Xəbər verdiyimiz kimi, Cabbar Musayev Naxçıvan Muxtar Respublikasının yeni baş naziri təyin edilib.
BUTA.TV xəbər verir ki, Cabbar Hafiz oğlu Musayev 1981-ci il yanvar ayının 10-da Naxçıvan şəhərində anadan olub.
Türkiyə Respublikasının Ankara şəhərində ali təhsil alıb, 2007-ci ildə Azərbaycan Dövlət İqtisad Universitetinin Maliyyə kredit ixtisası üzrə magistr pilləsini fərqlənmə diplomu ilə bitirib. İqtisad üzrə fəlsəfə doktorudur.
2004-2013-cü illərdə Rabitə və Yüksək Texnologiyalar Nazirliyində böyük məsləhətçi, sektor müdiri vəzifələrində işləyib, 2013-2016-cı illərdə Azərbaycan Prezidentinin müvafiq sərəncamı ilə yaradılmış Yüksək Texnologiyalar Parkı MMC-nin direktor müavini, 2016-2024-cü illərdə Dövlət Statistika Komitəsinin aparat rəhbəri vəzifəsində çalışıb.
Azərbaycan Respublikası Prezidenti İlham Əliyevin 4 noyabr 2024-cü il tarixli sərəncamı ilə Naxçıvan Muxtar Respublikası Naxçıvan Şəhər İcra Hakimiyyətinin başçısı təyin edilib.
Dövlət qulluğunun müşaviridir. Azərbaycan Prezidentinin 2021-ci il 23 iyun tarixli Sərəncamı ilə “Dövlət qulluğunda fərqlənməyə görə” medalı ilə təltif edilmişdir.
Evlidir, iki övladı var.
- Polis olmaq istəyən qadınların nəzərinə!
- “Okuklu Holding”in qanunsuz tikinti cəhdi polis tərəfindən dayandırıldı
- 4 milyonluq dələduzluq: Daha bir nəfər azadlığa buraxıldı
- Taksidə gediş haqqı bahalaşdı - 10 faizlik artım
- Dollar çökür? – “Bank of America”dan TƏCİLİ açıqlama
- İlham Əliyev icra başçısını vəzifəsindən azad etdi
- Bələdiyyələrlə əlaqədar 14 cinayət işi açıldı
- İrandan 10 kq narkotikin keçirilməsinin qarşısı alındı