Xalq yazıçısı Çingiz Abdullayev Prezident Administrasiyasının sabiq rəhbəri Ramiz Mehdiyevlə bağlı qəribə, gülməli, mənası anlaşılmayan bir açıqlama yayıb. Daha doğrusu, sözlərinin Ramiz Mehdiyevə şamil olunmasına qarşı çıxıb.

Yəni: İki gün öncə Ç.Abdullayev dil və ədəbiyyat təbliğinə oğurlanan pullardan bir faiz ayrılmasını istəmişdi. Həmin gün DTX Ramiz Mehdiyevin evindən 17 milyon manat çıxdığı görüntüsünü yaydığı üçün xalq yazıçısının da bu sözləri “ünvanlı” dediyi təxmin edildi.

Ancaq Çingiz Abdullayev bundan qəzəblənib, Ramiz Mehdiyevi nəzərdə tutmadığını qətiyyətlə bildirib. Ən maraqlı məqam da budur - xalq yazıçısı yazır:

“Bu yalandır. Mən heç vaxt dəstə halında hücum etmirəm. Mən mədəniyyət üçün faiz haqqında yazdım. Oğurlanan bütün pullardan. Mən heç vaxt işindən qovulanlara hücum etmirəm”.

Çingiz Abdullayev deyəsən Marsda yaşayır, ya da xalqın yazıçısı bu ölkədə nə baş verdiyini başa düşmür. Necə yəni “işdən qovulanlar”?

Ramiz Mehdiyev işdən qovulmayıb, dövlət çevrilişinə cəhd edib, hakimiyyəti ələ keçirməyə çalışıb, vətəni satıb, Rusiya kəşfiyyatından ölkəyə müdaxilə xahiş edib və s.

R.Mehdiyevə qarşı dövlətə xəyanət, hakimiyyətin zorla ələ keçirilməsi maddələri ilə ittiham irəli sürülüb!

Görünür, Ç.Abdullayevi özündən çıxaran Ramiz Mehdiyevi nəzərdə tutduğunun zənni-güman edilməsi deyil, istədiyi vəsaitin bunca az olmasının düşünülməsidir. Yəni: Ramiz Mehdiyevin evindən 17 milyon çıxıb, sanki Çingiz Abdullayev bu vəsaitin 1 faizini, yəni 170 min manat istəyir.

Əlbəttə ki, buna görə Çingiz Abdullayev əsəbiləşər və bunda haqlıdır. 170 min manat nədir ki?!

Ona görə yeni statusunda “Oğurlanan bütün pulların 1 faizini” nəzərdə tutduğunu yazır. Bu artıq “ciddi” rəqəm olmalıdır, əsl Çingiz Abdullayevə layiq!

Amma xalqın yazıçısı yazmır ki, “oğurlanan bütün pullar” deyəndə konkret nəyi nəzərdə tutur, nə qədər vəsaitdən bəhs edir və ona nə qədər pul lazımdır.

Beləcə, əsəbiləşir, vəsaiti “düzəltmək” istəyir, normal pul istəyən yerdə... böyük bir “quş” buraxır.

• Sabah Bakıda böyük tıxaclar olacaq
• Xahiş edirəm, azərbaycanlı tərəfdaşlar kimi... - Vuçiç
• Belqradda bu bina bayrağımızın rəngləri ilə işıqlandırıldı - Video
• Professor xəbərdarlıq etdi: Dəhşətli təhlükə yaxınlaşır
• Çingiz Abdullayev Mehdiyevdən yazdı, “quş” buraxdı
• Belqrad və Bakı arasında birbaşa uçuşlar açılacaq
• Vuçiçin adından verilən şam yeməyində "Ay Laçın" ifası... - Video
• İlham Əliyevdən çox şey öyrənirəm - Vuçiç