Sərxoş halda Daxili İşlər Nazirliyinin 102 xidməti-zəng mərkəzinə zəng edərək nalayiq ifadələr işlədən şəxs inzibati qaydada məsuliyyətə cəlb olunub.

BUTA.TV Gununsesi.info-ya istinadən xəbər verir ki, 1986-cı təvəllüdlü Ç.V 102-yə zəng edərək atasının vaxtilə vəzifədə olmuş şəxs tərəfindən qətlə yetirildiyini, 100 min manat pulunun mənimsənildiyinə dair əssasız şikayətlər edib.

O, bundan başqa, digər rayonlarada narkotikin 10 manata olduğunu, Füzulidə isə 7 manata satıldığına dair əsassız məlumatlar verib.

Ç.V məhkəmədə özünü təqsirli bildirərək əməli sərxoş vəziyyətdə törətdiyini etiraf edib. O, spirtli içkinin təsiri altında törətdiyi əməldən peşman olduğunu dilə gətirib.

Məhkəmənin qərarına əsasən, barəsində protokol (İXM-in 510.1 ) tərtib edilmiş şəxs 8 sutka müddətinə inzibati qaydada həbs olunub.

• Bu gecə hər ikisi meydana çıxacaq
• Pensiya və müavinətlərlə bağlı mühüm xəbər
• Daha bir azərbaycanlı Ukraynada həlak oldu
• Xəstəliyi ilə bağlı bunları yazdı - “Heç nə kömək etmir...”
• Şamaxıda Ağsu çayı daşdı - İnsanlar yollarda qaldı-Video
• Hidayət Heydərov tənqidlərə tatamidə cavab verdi - “Bezdirmisiniz”-Foto
• İkinci qəbul imtahanı asan olacaq? - Nuri
• Berlin 260 minlik ordu qurur - “Könüllülər bəs etmir, məcburi olacaq”