Şəmkirdə qidadan kütləvi zəhərlənmə baş verib. 

“BUTA.TV” xəbər verir ki, zəhərlənmə rayondakı restoranlardan birində qeydə alınıb.

İlkin ehtimala görə, məclisdə yedikləri salatdan zəhərlənən 11 nəfər Şəmkir Rayon Mərkəzi Xəstəxanasına yerləşdirilib:

- Mədinə İsmayılova (1995);

- Sevil Cəlilova (1994);

- Gülbəniz Cəlilova (1973);

- Leyla Qurbanova (2007);

- Rüfət Qurbanov (1999);

- Türə Daşdəmirova (1999);

- Famil İsgəndərov (1994);

- Aysu Abbasova (2015);

- Rüxsarə İsgəndərova (1967);

- Fatimə İsgəndərova (1999);

- Rasim Şirininov (1999).

Faktla bağlı araşdırma başlanılıb.

***

Əldə etdiyimiz məlumata görə, zəhərlənmə Şəmkirin Keçili kəndindəki “Narlın Qala” restoranında qeydə alınıb.

***

TƏBİB-dən sorğumuza cavab olaraq bildirilib ki, ötən gün saat 03:00 radələrində zəhərlənmə şübhəsi ilə 11 nəfər (9 qadın, 2 kişi) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Pasiyentlərə zəruri ilkin tibbi yardım göstərilib. 

Hər birinin vəziyyəti qənaətbəxş qiymətləndirilərək ambulator müalicə üçün evə buraxılıb.

Yunis Quliyev

• Göyçayda 36 yaşlı kişi bıçaqlandı
• Bilgəhdə 23 yaşlı oğlan dənizdə batdı
• Şükürbəyli kəndinə növbəti köç karvanları yola salındı
• Qubada 5 aylıq hamilə xəstəxanada öldü
• Bakıda yanğın təhlükəli sexin fəaliyyəti dayandırıldı
• Ölkəmizi dünya ilə birləşdirən hava körpüsü... - Video
• Şəmkir rayonunda kütləvi zəhərlənmə...
• Şəmkirdə 11 nəfər restoranda zəhərləndi - Yenilənib