Belqrad Serbiya ilə Kosovo arasında gərginliyin genişmiqyaslı hərbi münaqişəyə çevrilməsi üçün heç bir ilkin şərt görmür.

BUTA.TV xəbər verir ki, bunu Davosda keçirilən Dünya İqtisadi Forumunda Serbiya Prezidenti Aleksandr Vuçiç Anadolu Agentliyinə açıqlamasında deyib.

“Eyni zamanda, biz sabitliyi və sülhü qorumaq üçün hər şeyi edəcəyik. Mən müharibə proqnozlaşdırmıram. Ümid edirəm ki, biz bütün çətinliklərin öhdəsindən gələcəyik”.

Vuçiç Serbiyanın Kosovo məsələsi ilə bağlı fikir ayrılıqlarını müzakirə etməyə hazır olduğunu və Türkiyə prezidenti Rəcəb Tayyib Ərdoğanla görüşdə bu məsələni məmnuniyyətlə müzakirə edəcəyini vurğulayıb. Serbiya lideri qeyd edib ki, Kosovonun müstəqilliyi məsələsində mövqelərin fərqli olmasına baxmayaraq, Belqrad Türkiyəni dost ölkə hesab edir.

Eyni zamanda Vuçiç Türkiyənin “Bayraqdar” PUA-larının həm Serbiya, həm də Kosovoya tədarükünə qarşı kəskin çıxış edib:

“Biz “Bayraqdar 2”dən başqa Türkiyədən çoxlu müxtəlif hərbi texnika almağa hazırıq”.

• Zəngəzur dəhlizi İlham Əliyevin adını daşımalıdır - Əli Əhmədov
• Hüseynzadə ABŞ-ın NATO-dakı nümayəndəsi ilə görüşdü
• Zəngəzur dəhlizinin Azərbaycan hissəsində işlər nə vaxt bitir?
• Rusiya Azərbaycanın tələbi ilə onu həbs etdi
• Rusiya ilə gərginliyin səbəbkarı... – Şəfiyev
• Sülh sazişinin paraflanması... - Prezident
• Bakıda mühüm forum keçirilir
• Tramp və Putinin Avropanı şoka salan gizli sövdələşməsi...