Əcnəbilər 2022-ci ildə Gürcüstanda rekord məbləğdə – 3,5 milyard dollar pul xərcləyiblər.

BUTA.TV Publika.az-a istinadən xəbər verir ki, bu barədə Gürcüstan Mərkəzi Bankı məlumat yayıb.

Məlumata görə, bu, pandemiyadan əvvəlki 2019-cu illə müqayisədə 300 milyon dollar və məhdudiyyətlərin mövcud olduğu 2021-ci illə müqayisədə 182% çoxdur.

Gəlirlərin artması turizmin bərpası və Rusiyadan miqrasiya dalğası ilə əlaqələndirilir, çünki müvəqqəti yaşayış yerinə gələn ruslar turist statusu ilə ölkədə bir ilə qədər qalmaq hüququna malikdirlər. Sonra onlar sərhədi keçməlidirlər və icazə verilən yaşayış ili yenidən başlayır.

Milli Bankın məlumatına görə, ruslar Gürcüstanda 891 milyon dollar xərcləyib ki, bu da ikinci yerdə qərarlaşan Türkiyə vətəndaşlarından 2,3 dəfə çoxdur.

Turistlər Gürcüstanda yay mövsümünün pik dövründə ən çox pul xərcləyiblər - avqustda 523 milyon dollar. İlk onluğa 100 milyon dollardan çox pul xərcləyərək Azərbaycan vətəndaşları da düşüb.

Turizm gəlirləri ölkələr üzrə bu cür bölüşdürülüb:

Rusiya - 891 milyon dollar;

Türkiyə - 399,4 milyon dollar;

Avropa Birliyi ölkələri - 333 milyon dollar;

Ukrayna - 282,3 milyon dollar;

İsrail - 270,5 milyon dollar;

Belarus - 244,2 milyon dollar;

Səudiyyə Ərəbistanı - 159,8 milyon dollar;

Ermənistan - 156,1 milyon dollar;

Azərbaycan - 100,4 milyon dollar;

İran - 91,1 milyon dollar;

Digər ölkələr – 589 milyon dollar.

• Astanada Szinpinlə bunu bəyan etdik - İlham Əliyev
• Tərəfdaş ölkə səfirinin sərhədimizə gəlib, bu cür bəyanat verməsi…
• Bu respublikada 1928-ci ilə qədər rəsmi dil Azərbaycan dili olub
• Buna görə Çinlə əməkdaşlığı genişləndiririk - Əliyev
• Rəşad Dağlının ad günü kadrları aranı qatdı - Video
• Qukasyan Xocalı soyqırımına rəhbərlik edənlərin adını açıqladı
• Çin Azərbaycanın 4-cü ən böyük tərəfdaşıdır - Prezident
• Bu Birgə Bəyannamə tarixi hadisədir - İlham Əliyev