Avropa İttifaqı və Azərbaycan arasında sazişin imzalanması ilə bağlı danışıqlar yüksək mərhələdədir.
BUTA.TV xəbər verir ki, bunu Avropa İttifaqının (Aİ) Azərbaycandakı nümayəndəliyinin rəhbəri səfir Peter Mixalko yanvarın 26-da nümayəndəliyin fəaliyyətə başlamasının 15 illiyinə həsr olunmuş tədbirdə deyib.
Bildirib ki, Avropa İttifaqı ötən 15 il ərzində Azərbaycanda ümumi büdcəsi 225 milyon avrodan çox olan 400 layihə həyata keçirib. Bu layihələr müxtəlif sahələri, o cümlədən iqtisadiyyat, vətəndaş cəmiyyəti, təhsil və ərzaq istehsalı sahələrini əhatə edir.
P.Mixalko vurğulayıb ki, yaşıl enerji sahəsində və Qaradənizdə yüksəkgərginlikli sualtı elektrik xətti layihəsi əlaqələrimizin yüksək səviyyəsindən xəbər verir. Bildirib ki, Avropa İttifaqı alternativ enerji mənbələri, rəqəmsal keçid, müasir texnologiyaların bütün sahələrdə istifadəsi, orta və kiçik biznesin dəstəklənməsi, kənd təsərrüfatının inkişafı, “Ağıllı şəhər” layihəsinin reallaşdırılmasına dəstək məqsədilə Azərbaycana yeni dəstək paketi təqdim edib.
- Bu günlərdə iş və dərs olmayacaq - Siyahı
- "NarKredit"dən data kredit xidməti...
- MEDİA-nın təşkilatçılığı ilə təlimlər keçirildi – Foto
- Quterreş COP29-dan gözləntilərini açıqladı
- Kapital Bank "SIBOS 2024"də iştirakını uğurla yekunlaşdırdı
- TDT-nin baş katibi Qazaxıstan xalqını təbrik etdi
- Hərbi vəzifəlilərin növbəti təlim toplanışı davam edir
- Sabah Bakının 4 rayonunda qaz olmayacaq