Daxili İşlər Nazirliyinin (DİN) Baş Dövlət Yol Polisi İdarəsinin rəisi, polis general-mayoru Ramiz Zeynalov Tovuz rayon İcra Hakimiyyətinin təşəbbüsünə qoşulub.
BUTA.TV xəbər verir ki, əslən bu rayonundan olan general “Turan Tovuz”a dəstək xarakterli aksiyada iştirak edib.
O, 9 ildən sonra Premyer Liqaya qayıdan doğma Tovuzunun təmsilçisinə 20 min manat ianə eləyib.
Bu, R.Zeynalovun qərb klubuna ilk belə yardımı deyil. DYP-nin rəisi öncəki illərdə də dəfələrlə “Turan”a yardım göstərib.
Yerli İH kluba yeni maliyyə qaynaqları tapmaq üçün əslən bu rayondan olan iş adamlarına və dövlət rəsmilərinə rəsmi surətdə müraciət ünvanlayıb.
Konkret olaraq, 80 şəxsə bu niyyətlə məktub göndərilib. Məktubda “Turan”ın maddi cəhətdən ciddi problemlər yaşaması və gələcək fəaliyyətinin təhlükə altına düşməsi qeyd edilib.
Bildirilib ki, yardım aksiyasına qoşulmaq sərbəstdir, doğma rayonun klubuna dəstək vermək istəyənlər imkanları çatdığı qədər ianə edə bilər.
- Ölkəmizdə övladlarına X, D adı qoymaq üçün nələr etdilər - Video
- Moskvada Bakı Şəhər Günləri keçiriləcək
- Azərbaycandakı tanınmış şirkət cərimələnə bilər
- DİN-dən bank kartları ilə bağlı xəbərdarlıq!
- İrəvan Bakıdan onun meyitini istəməyə hazırlaşır
- İrəvan Bakıdan onun meyitini istəməyə hazırlaşır
- Gürcüstanda zəlzələ oldu, Ermənistanda da hiss edildi
- Bakıda güclü yanan obyekt məşhur otel imiş