PSJ-nin hücumçusu Lionel Messinin Türkiyə və Suriyada zəlzələdən zərər çəkənlərə 3,5 milyon avro yardım etdiyi barədə xəbərlər yayılmışdı. Bu barədə Türkiyə və digər ölkələrin müxtəlif KİV-ləri məlumat yayıb. Hətta bəzi Rusiya saytları da bu xəbəri tirajladı.
BUTA.TV Aut.az-a istinadən xəbər verir ki, “Sports.ru” Lionel Messinin Türkiyədəki zəlzələ qurbanlarına ianə verməsi ilə bağlı xəbərlərin doğruluğunu araşdırıb.
Fevralın 8-də öncə Tvitterdə Messinin zəlzələ qurbanlarına ianəsi ilə bağlı xəbərlər yayılmağa başlayıb. İlk belə tvit fevralın 8-i səhər özünü media orqanı kimi təqdim edən “Televizion Starı” hesabında yerləşdirildi. Amma nə orada, nə də digər tvitlərdə məlumatın mənbəyi göstərilmirdi.
Nə Messinin sosial media hesabında, nə də xeyriyyə fondu olan “Leo Messi Foundation”un sayında onun ianə etdiyi haqda heç bir məlumat yoxdur.
Qeyd edək ki, fondun əsas fəaliyyət istiqaməti ağır xəstəliklərdən əziyyət çəkən uşaqlara kömək etmək, uşaqlıqda yayılmış xəstəliklərlə mübarizəyə yönəlmiş tədqiqatları maliyyələşdirmək, uşaqların təhsilə əlçatanlığını və idman vasitəsilə sosial inteqrasiyasını təmin etməkdir. Fond təbii fəlakətlərin və ya texnogen fəlakətlərin qurbanlarına yardım göstərmir.
Eyni zamanda, Messi qurbanlara dəstək ifadələri işlədib və səfiri olduğu BMT-nin Uşaq Fondunun internet səhifəsi vasitəsilə onlara ianə göndərilməsini istəyib.
Nəticə: Messi Türkiyə və Suriyada zəlzələdən zərər çəkənlərə 3,5 milyon avro göndərməyib – bu məlumatın etibarlı mənbəsi yoxdur.
- Ramiz Mehdiyevlə Ermənistanla necə əlaqə saxlayırmış?
- Yanğında həlak olan azyaşlı vəkilin qızı imiş
- Ölkədə breketə görə əsgərlikdən möhlət verilir? - Rəsmi
- 4 gəncin öldüyü “Lake Hotel”dən yeni xəbər var
- "Forbes" İranın gücünü müqayisə etdi: Siyahıda Azərbaycan da var
- Azərbaycan Türkiyə və Avstraliyanı bunun üçün təbrik etdi
- Gültəkin Hacıbəylinin Mehdiyev sevgisi: Gizli oyunlar...
- 1 milyona ev, 440 minə cip - Rektorun milyonluq xərci