Laçın nəzarət-buraxılış məntəqəsilə bağlı iki komponent mövcuddur: yüklərə və mallara, o cümlədən hərbi texnikaya nəzarət; gedib-gələn şəxslərə nəzarət.

BUTA.TV xəbər verir ki, bunu keçmiş xarici işlər naziri, politoloq Tofiq Zülfüqarov deyib.

Onun sözlərinə görə, Rusiya münaqişə meydanlarının mövcudluğunu nəzərə alaraq Ermənistan və Azərbaycanın mövcud idarəetmə mexanizmini qoruyub saxlamağa çalışır:

“2020-ci il müharibəsindən sonra "hərbi alətlər"in variasiyaları minimuma endirilib. Ona görə də indi Rusiya üçün əsas vəzifə irredentist və separatçı xarakterli “siyasi fəaliyyətini” davam etdirə biləcək “təsir agentləri” üçün “hərəkət azadlığını” qorumaqdır. Ona görə də görünən odur ki, Rusiya bizim yüklərə nəzarətimizi təmin etməyə yaxındır, lakin Azərbaycanın dövlət strukturlarının dəhlizlə hərəkət edən insanların axınını təmizləməsinə qəti müqavimət göstərəcək. Əminəm ki, Azərbaycan tərəfi Rusiya tərəfinə de-fakto ultimatum verib ki, ya Rusiya indiyə qədər açıq olan dəhliz boyu “proksi”sini çıxaracaq, ya da bu “proksi” “siçan tələsi”ndə məhv ediləcək.

Bunun nə vaxt baş verəcəyini söyləmək çətindir, lakin onun Ukraynadakı vəziyyətlə sinxronlaşdırılacağı aydındır”.

• Bakıda və rayonlarda külək güclənəcək - Xəbərdarlıq
• Azərbaycanda gömrük rüsumlarının dərəcələri dəyişdi
• Azərbaycan və İran müdafiə nazirləri görüşdü - Video
• Müəllimini güllələyən şagirdi hansı cəza gözləyir?
• Uşaqlara sosial şəbəkəni necə qadağan etmək olar?
• Vüqar Səfərlinin əmlakının müsadirəsi barədə qərar ləğv olundu
• "City Garden Narimanov": 36 ayadək faizsiz, daxili kreditlə mənzil...
• Zakir Fərəcovun sakinlərlə görüşləri davam edir