Tərtərin Talış kəndində 30 ildən sonra ilk dəfə bayram şənliyi keçirilir.

BUTA.TV xəbər verir ki, Talış kəndinə yeni köçən ailələr üçün təşkil olunan şənlikdə milli oyunlar, folklor nümunələri sərgilənir. Kəndirbazlar ip üzərində oynayıb, pəhləvanlar qurşaq tutub. Yerli incəsənət adamları müxtəlif musiqi nümunələri ifa edib.

Tədbir iştirakçıları Qarabağ atlarının da keçidinə tamaşa edib.

Bundan başqa, tamaşalar da nümayiş edilib. Tədbirin gecə saatlarınadək davam etməsi planlaşdırılır.

Qeyd edək ki, martın 16-da 20 ailə Tərtər rayonunun işğaldan azad edilmiş Talış kəndinə köçürülüb. Talış kəndi Qarabağ iqtisadi rayonunda ilk bərpa olunan kənddir. Kənddə 4 yol-kommunikasiya şəbəkəsi tam olaraq qurulub.

Bundan başqa, kənddə 9 qeyri-yaşayış binası fəaliyyət göstərir. Kəndin su-kanalizasiya xətti çəkilib. Məktəb və uşaq bağçasında son tamamlanma işləri aparılır. Kənd tamamilə qazlaşdırılıb. Hazırda Talışda bərpa-quruculuq işləri davam edir. Növbəti mərhələdə kəndə daha 158 ailənin köçürülməsi nəzərdə tutulur.

• Amur Qaz Kimya Kompleksində güclü yanğın: 104 yaralı - Video
• Qazaxıstanda seçkilərin yekun nəticələri açıqlandı
• Rus ordusu Annovkanı işğal etdi
• Məleykə Abbaszadədən təsirli paylaşım
• Qazaxıstanın nəhəng neft emalı zavodu yanır - Video
• Bu ölkə süni intellekt mahnılarına qadağa qoydu
• İranda iki məhbus edam edildi
• Köçəryan və oğlu belə saxlanıldılar - Video