İrəvanda Türkiyədəki seçkiləri izlədiyiniz bir vaxtda Brüsseldə Ermənistanın Baş naziri Qarabağı Azərbaycanın bir hissəsi kimi tanıdı.

BUTA.TV xəbər verir ki, bunu erməni türkoloq Varujan Geqamyan deyib.

“Əliyev və Paşinyanın görüşündən sonra AB Şurasının rəhbəri Mişelin Ermənistan üçün xoşagəlməz açıqlamaları oldu.

1. Liderlər 1991-ci il Almatı Bəyannaməsinə və müvafiq olaraq Ermənistanın (29.8 kv.km) və Azərbaycanın (86.6 kv.km) ərazi bütövlüyünə qeyd-şərtsiz sadiqliklərini təsdiqləyiblər. Sərhədin yekun delimitasiyası danışıqlar yolu ilə razılaşdırılacaq. Azərbaycanın 86.600 kv. km-ə Qarabağ da daxildir. Ermənistan hakimiyyətinin Qarabağı təslim etməsi ilə bağlı bundan daha aydın bəyanat ola bilməz.

2. Kommunikasiyalar baxımından tərəflər regionda nəqliyyat və iqtisadi əlaqələrə yönəlmiş müzakirələrdə aydın irəliləyiş əldə ediblər. Bu mövzuda xüsusən də Naxçıvan və ordan keçən dəmir yolu əlaqəsinin bərpası məsələsində hazırda mövqelər bir-birinə çox yaxındır. Onlar müvafiq qruplara konkret qrafiklə yanaşı, dəmir yolu xəttinin açılması şərtləri və zəruri tikinti işlərinin aparılması ilə bağlı prinsipial müqaviləni razılaşdırmaq tapşırılıb.

Nə demək olar, bəyanatın bəndlərində xronoloji ardıcıllığa tam əməl olunur. Qarabağın təslim olmasından sonra növbə dərhal Zəngəzura çatacaq. Zəngəzur dəhlizi proqramının həyata keçirilməsi gələcəyi həmişəkindən daha aydın oldu”, - o bildirib.

• Əli Kərimlinin saxlanılması ilə bağlı yeni məlumat
• Cəmil Həsənli hava limanından geri qayıtdı - DTX-yə çağırıldı
• Gültəkin Bakıya göndərilir: daha iki şəxs saxlanacaq
• Gültəkin Hacıbəyli Türkiyədə saxlanıldı: deport edilir
• Azərbaycan Qahirədə mühüm iclasda təmsil olunacaq
• 14 yüksək rütbəli zabitimizin şəhid olmasından 4 il ötür
• Əli Kərimlinin evindən Ramiz Mehdiyevin məktubu tapıldı
• Əli Kərimli DTX-ya aparıldı