Yürüşlə bağlı təşkilati işlərimiz yaxşı gedir. Şəhərlərin bəzilərində daha güclü hərəkətlənmə var.
Bu sözləri BUTA.TV-a mayın 20-də Berlində keçiriləcək “Azadlıq, Ədalət, Milli Hökumət” aksiyasının koordinatoru, tanınmış siyasətçi Mahmud Bilgin deyib.
Hazırlıqların yekunlaşdığını deyən Bilgin Berlin yürüşünə Brüsseldəkindən daha çox iştirakçının qatılacağını bildirib:
“Berlindən savayı, hətta Avropanın başqa yerlərindən aksiyamıza qoşulmaq istəyənlər var. Budəfəki yürüşə qatılanların sayı Brüsseldə olduğundan üç qat artıq olacaq. Təşkilati məsələlərimizdə problem yoxdur. Yaxın zamanlarda mətbuat konfransı keçirtmək fikrimiz var. Yeri və zamanı dəqiqləşdirilir”.
Mahmud Bilgin yürüşlə bağlı təhlükəsizlik komitəsinin yaradılmasına da diqqət çəkib:
“Təhlükəsizlik məsələsi əvvəlki yürüşdə var idi, lakin bu dəfə daha geniş yer vermək qərarına gəldik. Bizi sevməyən bəzi qüvvələr Berlində təxribata əl ata bilər. Hesab edirik ki, şovinistlər və pəhləvilər tərəfindən müəyyən addımlar atılması mümkündür. Odur ki, özəl bir qurup yaratdıq. Hər ehtimal, hazırlıqlı olmaq lazımdır”.
- Əli Kərimlinin saxlanılması ilə bağlı yeni məlumat
- Cəmil Həsənli hava limanından geri qayıtdı - DTX-yə çağırıldı
- Gültəkin Bakıya göndərilir: daha iki şəxs saxlanacaq
- Gültəkin Hacıbəyli Türkiyədə saxlanıldı: deport edilir
- Azərbaycan Qahirədə mühüm iclasda təmsil olunacaq
- 14 yüksək rütbəli zabitimizin şəhid olmasından 4 il ötür
- Əli Kərimlinin evindən Ramiz Mehdiyevin məktubu tapıldı
- Əli Kərimli DTX-ya aparıldı