Bu gündən - 19 iyuldan Məhərrəm ayı başlayır.

Bildirilir ki, yaradan bəzi ayları başqalarından üstün tutar, onları fəzilətli edər və müsəlmanların da həmin fəzilətdən bəhrələnməsinə imkan verər.

Dörd haram aydan biri sayılan Məhərrəm də belədir. Ölkə əhlisinin "məhərrəmlik" dediyi ayda toy, nişan mərasimlərinin məsləhət bilinməməsini, müsəlmanların digər aylarla müqayisədə daha sadə davranmalarını gərəkdirən səbəb olduğu bildirilir. Bəs bunun səbəbi nədir və Məhərrəm ayında 40 gün yas tutulması dügündürmü? Bu barədə Referans.az-ın sorğusunu cavablandıran ilahiyyatçı Elşad Miri bildirib ki, Bu məsələ imam Hüseynin 680-ci ildə qətlə yetirilməsi ilə bağlıdır:

“Birincisi bu imamların qətl edildiyi gün deyil. İmamlardan birinin öldürüldüyü gündür. Bu da peyğəmbərimizin nəvələrindən biri olan imam Hüseynin 680-ci ildə daha sonralar Kərbəla adlandırılan yerdə qətlə yetirilməsi ilə əlaqəlidir. Peyğəmbərimizin özünün vəfat elədiyi günlə bağlı bu səviyyədə yas mərasimi təşkil olunmur, digər imamların belə yas mərasimi bu şəkildə təşkil olunmur. Niyə məhz imam Hüseyn? Sasani İmperiyasının hökmdarı sonuncu hökmdarı lll Yezdəgirdin qızı Şahrubani imam Hüseynin xanımı olub. İmam Hüseynin fars xanımı olmasına görə, həmin xanımından dünyaya gələn övladlar həm imam sayılıb, həm də seyid sayılıb. Amma imam Həsənin nəslindən gələnlər seyid də sayılmır, şərif sayılır. Gəlin onun elmə, təhsilə maraq verdiyi qədər biz də övladlarımızı maarifləndirməyə çalışaq. Sonuncu peyğəmbərimiz olan Məhəmməd peyğəmbərdən əvvəl Yəhya peyğəmbərimiz, Zəkəriyyə peyğəmbərimiz bunlar müxtəlif formatlarda, əziyyətlə qətlə yetirilib və Quranda da bu haqda məlumat verilib. Amma sonuncu peyğəmbərimiz həmin günlərlə bağlı heç bir əzadarlıq təşkil etməyib”.

İlahiyyatçının sözlərinə görə, heç bir zaman özünü döymək və ya özünə əziyyət etməklə bağlı müsəlmanlara tövsiyə verilməyib. O bildirib ki, vaxtında bunu peyğəmbərimiz belə etməyibsə, biz bunu niyə etməliyik:

"Allah da Quranda bildirir ki, özünüzü təhlükəyə atmayın, özünüzə zülm verməyin. Biz bunu etməklə Allahın ayələrinə qarşı gəlirik. İmam Hüseyn kimi haqqı demək lazımdır”.

Elşad Miri qeyd edib ki, Azərbaycanın bir çox bölgələrində bəzi məscidlərdə özlərini şiə adlandıran insanlar həmin günlərdə əzadarlıq deyilən, yəni özlərinə əzab verməklə bağlı məsələləri gündəmə gətirirlər və həyata keçirirlər. Amma bunun heç bir dini əsası yoxdur və düzgün deyil.

• İrandan 100 min insan Azərbaycana qaça bilər
• Bir gündə “Azimut”un ikinci “Superjet”i qəza enişi etdi
• Papikyan sərhədimizə gəldi - Foto
• Ərdoğan Azərbaycanla bağlı Putinə nə deyib?
• Bayden də təbrik etdi: bəs, COP29-dan biz nə qazandıq?
• Türkiyə Bakıya böhtan atan jurnalisti qovdu
• Bayden Ukrayna ilə bağlı daha bir sensasion qərara hazırlaşır
• Kopırkindən sülhlə bağlı mühüm açıqlama: Moskva istəyir ki...