Ağsu rayonunda intihar hadisəsi qeydə alınıb.

"Unikal"ın məlumatına görə, rayonun Ülgüc kəndində yaşayan Vətən müharibəsi qazisi, 1992-ci il təvəllüdlü Babayev Rabil Kamal oğlu intihar edib. O, yaşadığı evin həyətindəki ağacdan özünü asaraq həyatına son qoyub.Ailə üzvləri hadisədən gec xəbər tutduğu üçün onun həyatını xilas etmək mümkün olmayıb. Qarabağ qazisinin döyüş yoldaşlarının saytımıza verdiyi məlumata görə, Rabil Babayevin sosial durumu çox ağır olub. O, dəfələrlə işlə təmin olunması üçün aidiyyəti qurumlara müraciət etsə də, qazinin sosial problemi həllini tapmayıb. O, sonuncu dəfə Ağsu rayon İcra Hakimiyyətinə iş üçün müraciət edib və oradan evə geri qayıdan kimi intihar edib.

Mərhumun cibindən məktub tapılıb. "Cəsur döyüşcü", "Vətən müharibəsi iştirakçısı" və "Ağdamın azad olunmasına görə" medalları ilə təltif olunan Rabil Babayevin ölümündən öncə məktubda nə yazdığı, eləcə də onun canına qəsd etməsinin dəqiq səbəbi hələ ki, məlum deyil.

Faktla bağlı Ağsu rayon Prokurorluğu tərəfindən araşdırma aparılır.  Qeyd edək ki, Ağsu Rayon İcra Hakimiyyətinin başçısı Rövşən Bağırovdur.

• Gəncədəki kütləvi zəhərlənmə ilə bağlı araşdırma başladı
• Forum iştirakçıları Qarabağ küçəsi ilə tanış oldular
• Nərimanovda çoxmərtəbəli binanın zirzəmisində yanğın - Sakinlər təxliyə olundu
• Bu fotoları hər kəs ən az bir dəfə görüb
• Ötən gün çimərlikdə boğulan Rəşadın - Fotosu
• Suraxanı bazarından son görüntülər - Video
• Azərbaycanda maşın yağı bahalaşdı
• Gəncədə yasda kütləvi zəhərlənmə - 10-a yaxın şəxs xəstəxanaya yerləşdirildi