Pakistan nümayəndə heyətinin üzvləri İranın Sistan və Bəlucistan əyalətinin Çabahar şəhərində keçirilən iqtisadiyyat sərgisini tərk ediblər.

BUTA.TV xəbər verir ki, bu barədə Bəluc Fəallarının Kampaniyası məlumat yayıb.

Bildirilib ki, İranın Pakistan ərazisinə raket hücumundan sonra Çabahar sərgisində iştirak edən Pakistan nümayəndə heyətinin üzvləri öncədən xəbərdarlıq etmədən ölkələrinə geri qayıdıblar.

Çabaharda keçirilən sərgidə İranın daxili işlər naziri Əhməd Vahidi, Prezident İbrahim Rəisinin bir neçə müavini və başqa yüksək rütbəli rəsmilər iştirak edirdilər.

Qeyd edək ki, 16 yanvarda SEPAH Pakistan ərazisində terrorçu saydığı "Ceyş ül-Ədl" qruplaşmasını raketlə vurub, nəticədə iki azyaşlı həlak olub. Pakistan bu zərbəyə kəskin reaksiya verib, İran səfirini geri çağırıb, həmçinin Tehrana bütün rəsmi səfərləri təxirə salıb.

Bu gün isə Pakistan İranın Sistan və Bəlucistan ərazisində terrorçu yuvalarına cavab zərbəsi endirib. İranın məlumatına görə, İran vətəndaşı olmayan 7 nəfər ölüb.

• Heydər Əliyev Fondu ilə İSESKO arasında saziş imzalandı
• Bunu diqqətdən kənarda qoymamalıyıq, çünki... - Prezident
• Sahibə Qafarova Arakçı ilə görüşdü
• Azərbaycanda bu ərazidə sürüşmə aktivləşdi: təhlükə...
• Bu icra məmurları ilə bağlı mühüm qərar verildi
• Bakıda pul tapıb telekanala məlumat verdi, cəzalandırıldı
• İlham Əliyev və Pelleqrini mətbuata bəyanat verdi
• İlham Əliyev və Pelleqrinin geniş tərkibdə görüşü oldu