Naxçıvan Muxtar Respublikası (MR) Ali Məclisinin keçmiş sədri Vasif Talıbovun biznes imperiyasına daxil olduğu deyilən Nəxşicahan Med MMC məhkəməyə verilib.

BUTA.TV Qaynarinfo.az-a istinadən xəbər verir ki, iddiaçılar Vüqar Vidadi oğlu Həziyev, Elnur Ramiz oğlu Əsədov, Ramiz Məmməd oğlu Quliyev, Sadıq Azər oğlu İsmayılov, Fərahim Fehruz oğlu Məmmədov, Orxan Tahir oğlu Vəliyev və Elşən Bəhlul oğlu Ağayevdir.

İddialara görə, adıçəkilən şəxslər Nəxşicahan Med MMC-nin işçiləri olub. Məhkəmə çəkişməsinin də əmək münasibətləri ilə bağlı mübahisələrdən qaynaqlanması bu iddiaların əsassız olmadığına dair şübhələri artırır. Lakin onların iddia tələblərinin konkret nədən ibarət olması barədə məlumat yoxdur.

İddiaya Naxçıvan Şəhər Məhkəməsində baxılacaq. İş hakim Gülsüm Əliyevanın icraatındadır.

Nəxşicahan Med MMC 17 aprel 2014-cü ildə qeydiyyata alınıb. Nizamnamə kapitalı 8 AZN olan şirkətin qanuni təmsilçisi Arif Yusif oğlu Yusifovdur.

"Nəqşicahan Holdinq”ə daxil olan "Nəxşicahan Med” Muxtar Respublika əczaçılıq sahəsində monopolist şirkət kimi tanınıb. Ötən ilin oktyabrında Nəxşicahan Med MMC ləğv olunduğunu elan edib.

Bu arada qeyd edək ki, hazırda şirkətin vergi borcu 98 718, 81 AZN-dir.

Şirkətin Vasif Talıbovun nəzarətində olması barədə iddialara gəlincə, mediada gedən məlumatlarda bildirilir ki, şirkətin daxil olduğu "Nəqşicahan Holdinq”in rəhbəri Rıfat Mahmudovdur. O, Sədərək gömrüyünün keçmiş sədri Nicat Mahmudovun qardaşıdır.

Mahmudov qardaşları Vasif Talıbovun kadrı kimi tanınır.

• SEPAH-dan ABŞ-ın hücumuna reaksiya: Qisas alınacaq!
• ABŞ İranın Lark adasına zərbə endirdi
• Çikaqoda insanlara atəş açıldı: ölən və yaralananlar var
• Şimali Kiprdə 3 günlük matəm elan edildi
• PUA insidenti: Almaniya cavab tədbirləri hazırladı
• Leyla Əliyeva sərgidən paylaşım etdi - Video
• Rusiya gəmisi vuruldu, İstanbula yan aldı
• Türkiyədə bir sıra konsertlər ləğv edildi