Naxçıvan Muxtar Respublikası (MR) Ali Məclisinin keçmiş sədri Vasif Talıbovun biznes imperiyasına daxil olduğu deyilən Nəxşicahan Med MMC məhkəməyə verilib.

BUTA.TV Qaynarinfo.az-a istinadən xəbər verir ki, iddiaçılar Vüqar Vidadi oğlu Həziyev, Elnur Ramiz oğlu Əsədov, Ramiz Məmməd oğlu Quliyev, Sadıq Azər oğlu İsmayılov, Fərahim Fehruz oğlu Məmmədov, Orxan Tahir oğlu Vəliyev və Elşən Bəhlul oğlu Ağayevdir.

İddialara görə, adıçəkilən şəxslər Nəxşicahan Med MMC-nin işçiləri olub. Məhkəmə çəkişməsinin də əmək münasibətləri ilə bağlı mübahisələrdən qaynaqlanması bu iddiaların əsassız olmadığına dair şübhələri artırır. Lakin onların iddia tələblərinin konkret nədən ibarət olması barədə məlumat yoxdur.

İddiaya Naxçıvan Şəhər Məhkəməsində baxılacaq. İş hakim Gülsüm Əliyevanın icraatındadır.

Nəxşicahan Med MMC 17 aprel 2014-cü ildə qeydiyyata alınıb. Nizamnamə kapitalı 8 AZN olan şirkətin qanuni təmsilçisi Arif Yusif oğlu Yusifovdur.

"Nəqşicahan Holdinq”ə daxil olan "Nəxşicahan Med” Muxtar Respublika əczaçılıq sahəsində monopolist şirkət kimi tanınıb. Ötən ilin oktyabrında Nəxşicahan Med MMC ləğv olunduğunu elan edib.

Bu arada qeyd edək ki, hazırda şirkətin vergi borcu 98 718, 81 AZN-dir.

Şirkətin Vasif Talıbovun nəzarətində olması barədə iddialara gəlincə, mediada gedən məlumatlarda bildirilir ki, şirkətin daxil olduğu "Nəqşicahan Holdinq”in rəhbəri Rıfat Mahmudovdur. O, Sədərək gömrüyünün keçmiş sədri Nicat Mahmudovun qardaşıdır.

Mahmudov qardaşları Vasif Talıbovun kadrı kimi tanınır.

• Trampdan Azərbaycan açıqlaması: Bunu həll etdim!
• Fransanın Bakıya göndərdiyi səfir barədə - Yeni detallar
• Nazirlik araşdırmaya başladı: şok faktlar - VİDEO
• Müharibədən sonra ölkəmizə gələn ukraynalıların sayı...
• Müğənni Rəqsanənin həbsinə dair iddialar: Aysun son nöqtəni qoydu
• “Rusiya Azərbaycana qarşı ikinci cəbhə açmağa cəsarət etməz” - Tofiq Zülfüqarov
• 15 yaşlı oğlanın qətli: 10 manata görə...
• Sabah 18 kənddə qaz olmayacaq