"Bakı şəhərinin 2040-cı ilədək inkişafına dair Baş planı" hazırlanarkən dayanıqlı inkişaf prinsipləri əsas götürülüb. Paytaxtın bir sıra ərazilərində mərtəbə sayı beşdən artıq olan binaların tikintisinə icazə verilməməsi də həmin prinsipin tərkib hissəsidir.
BUTA.TV xəbər verir ki, bunu Azərtac-a açıqlamasında Dövlət Şəhərsalma və Arxitektura Komitəsinin sədr müavini İlqar İsbatov bildirib.
Onun sözlərinə görə, həmin ərazilər xüsusi mühafizə olunan zona adlandırılacaq.
“Bu, 425 hektar ərazini əhatə edir. Binalar üçün mərtəbələrin məhdudiyyəti məhz bu zonada nəzərdə tutulub. Bura şəhərin tarixən formalaşmış hissəsidir. Planlaşdırma strukturunu qoruyub saxlamağı düşünürük. Burada müdaxilələrin minimuma endirilməsini və mərtəbələrin də hündürlüyünün məhdudiyyətini qarşımıza məqsəd qoymuşuq. Baş plana əsasən, paytaxtda binaların mərtəbələrinin sayı şəhərin sıxlığına uyğun təyin olunacaq. Şəhərin inkişaf əraziləri yüksək sıxlıqlı, orta sıxlıqlı, az və seyrək sıxlıqlı ərazilərə bölünüb. Yüksək sıxlıqlı ərazilər 9 mərtəbə və ondan yuxarı ərazilər, orta sıxlıqlı ərazilər 5-8 mərtəbə, az sıxlıqlı 3-4 mərtəbəli, seyrək sıxlıqlı ərazilər isə daha çox fərdi yaşayış evlərinin olduğu ərazilərdir”, - deyə İlqar İsbatov əlavə edib.
Qarayevin Rusiya ilə əlaqələri haqda şok: Siyahıda başqa ölkə də var...
- Heydər Əliyev Fondu ilə İSESKO arasında saziş imzalandı
- Bunu diqqətdən kənarda qoymamalıyıq, çünki... - Prezident
- Sahibə Qafarova Arakçı ilə görüşdü
- Azərbaycanda bu ərazidə sürüşmə aktivləşdi: təhlükə...
- Bu icra məmurları ilə bağlı mühüm qərar verildi
- Bakıda pul tapıb telekanala məlumat verdi, cəzalandırıldı
- İlham Əliyev və Pelleqrini mətbuata bəyanat verdi
- İlham Əliyev və Pelleqrinin geniş tərkibdə görüşü oldu