Ermənistan parlamentinin sədri Alen Simonyan Azərbaycan və Ermənistan xarici işlər nazirlərinin Berlində sabah keçirəcəkləri görüşü irəliləyiş kimi qiymətləndirib. Simonyan Azərbaycan və Türkiyə ilə sülh şəraitində yaşamağın əleyhinə olmadığını da sözlərinə əlavə edib. Görünür, Alen Simonyan bu yolla son zamanlar iki ölkə arasında artan gərginliyi azaltmaq istəyib.
BUTA.TV xəbər verir ki, bu barədə politoloq Elxan Şahinoğlu qeyd edib.
O bildirib ki, bu kimi açıqlamalar ortamı yumşaltmayacaq:
“Real addımlara ehtiyac var. Baş nazir Nikol Paşinyan partiyasının deputatları ilə keçirdiyi qapalı toplantıda Azərbaycan Prezidenti İlham Əliyevlə Münhen görüşündə nəticə əldə edilmədiyini bildirib. Əslində Münhen görüşü müsbət nəticəyə hesablanmamışdı, həmin müzakirə gərginliyi azaltmağa hədəflənmişdi. Ancaq Paşinyanın Münhendən dərhal sonra Parisə çağırılması və Fransadan alacağı yeni hərbi texnika, üstəgəl sərhəddə atəşkəsin pozulması hallarının artması Almaniyadakı müzakirələri heçə endirdi. Bu dəfə də belə olacaq, xarici işlər nazirlərinin görüşündən sonra Fransa-Ermənistan cütlüyünün növbəti təxribatçı addımı hər şeyin üstündən xətt çəkəcək”.
Qeyd edək ki, Azərbaycan və Ermənistan XİN başçılarının Almaniyada görüşü 28-29 fevral tarixlərində olacaq. Ceyhun Bayramov artıq Almaniyaya yola düşüb.
- 5 məktəbdə boş qalan yerlərə sərbəst qəbul aparılacaq
- Sükan arxasında ürəyi tutdu, qəza törətdi: ölən var
- Elxan Səmədovun diqqətçəkən dosyesi - MCİPS-in peşəkar üzvü, “Əsrin müqaviləsi”, ölkə çempionu…
- Türkiyə möhtəşəm ölkədir, kimsə mane ola bilməz - Tramp
- “Allah əmr etdi” deyib üç qadını bıçaqladı - Video
- 40 il döyəclədiyi qapılar bir gecədə açıldı... - Fotolar
- Cənubda ev quşları kütləvi şəkildə tələf olur: Nə baş verir?
- Abşeronda yaşayış binasında yanğın - Sakinlər təxliyə edildi+Fotolar-Yenilənib