Martın 9-u saat 9:00-a olan məlumata əsasən, əvvəlcədən xəbər verildiyi kimi, ölkə ərazisində hava şəraiti arabir yağıntılı olub, dağlıq ərazilərdə qar yağıb.

Milli Hidrometeorologiya Xidmətindən BUTA.TV-a verilən məlumata görə, qar örtüyünün hündürlüyü Qaxda 22 sm, Şərur, Şahdağda 2 sm olub.

Düşən yağıntının miqdarı Qaxda 20 mm, Oğuzda 9 mm, Qəbələ, Şəki, Zaqatala, Yardımlı, Qobustan, Şamaxı, Balakən, Qrız, Daşkəsən, Gəncə, İsmayıllı, Quba, Qusar, Şəmkir, Şabran, Tərtər, Lənkəran, Astara, Neftçala, Biləsuvarda 5 mm-dək, Bakıda və Abşeron yarımadasında isə 1 mm-dək olub.

Tərtər, Yevlax, Bərdə, Naftalan, Şəmkir, Tovuz, Balakən, Zaqatala, Şəki, Qax, Şamaxı, Qobustan, Quba, Qusar, Xaltan, Qəbələ, Qrız, Göyçay, Lerikdə duman müşahidə olunub. Görünüş 200-500 metrədək məhdudlaşıb.

Şimal-qərb küləyi martın 08-də Mingəçevirdə, Bakıda və Abşeron yarımadasında arabir 20 m/s-dək güclənib.

Neft Daşları stansiyasının məlumatına əsasən dənizdə dalğanın hündürlüyü 3 metrə çatıb.

Havanın minimal temperaturu Bakıda və Abşeron yarımadasında 5 dərəcəyədək isti, Naxçıvan MR-də 2 dərəcə şaxtadan 3 dərəcəyədək isti, Aran rayonlarında 5 dərəcəyədək isti, dağlıq rayonlarda 4, yüksək dağlıq ərazilərdə 9 dərəcəyədək şaxta olub.

• Bakıda bu avtobuslar yeni daşıyıcılara həvalə edildi
• İlham Əliyev fərman imzaladı
• Qarsdan çağırıldı - İstanbula konsul göndərildi
• Sabah dənizdə dalğa artacaq
• Bakıda güclü külək bu vaxt zəifləyəcək
• Bakıda 33, rayonlarda 41 dərəcə isti olacaq
• Rəşad Göyüşov vəzifəsindən ayrıldı - Foto
• Güclü külək: DYP-dən sürücülərə xəbərdarlıq