Avropanın bir çox ölkəsində müsəlmanlara təhdid mənbəyi kimi yanaşırlar.

BUTA.TV Report-a istinadən xəbər verir ki, bunu Pakistan Siyasət Araşdırmaları və Təbliğat Mərkəzinin icraçı direktoru Əhsən Həmid Bakıda keçirilən "Müxtəlifliyin qorunması: 2024-cü ildə islamofobiya ilə mübarizə" mövzusunda beynəlxalq elmi konfransda çıxışı zamanı deyib.

O bildirib ki, milli azlıqların Azərbaycanda sülh və əmin-amanlıq şəraitində yaşaması müsbət nümunədir: "Avropa da bu nümunədən yaxşı bəhrələnə bilər. Bu gün Avropada mədəni gərginlik amili geniş yayılıb. Həmçinin müsəlman icmalarına qarşı sərt addımların atılmasını şahidi oluruq. Müsəlmanları kənardan gələnlər sayırlar".

Əhsən Həmid vurğulayıb ki, Qərb mediası bu məsələyə qərəzli yanaşması ilə seçilir: "Belə ki, sağ mərkəzi təmsil edən siyasətçilər müsəlmanlar barədə qərəzli fikirlər səsləndirir və bu mediada geniş yayılır. Avropa qanunvericiliyi də müsəlmanlara qarşı yönəlib. Bir çox məscidlər fəaliyyətini dayandırır. Gərgin münasibətlər fonunda ekstremist hallar geniş vüsət alır".

Pakistanlı ekspert söyləyib ki, islamofobiya halları ilə bağlı dolğun və reallığı tam əks etdirən hesabatlar hazırlanmır: "Avropada artan ayrı-seçkilik müsəlmanların hüquqlarını məhdudlaşdırır və onları təcrid edir. Problemin köklü səbəbləri araşdırmalıyıq, dinlərarası dialoqu dünyada lazımi səviyyədə təbliğ etməliyik".

• Qaytarıla bilməyən kreditlər bağlana bilərmi?
• Bu şəxslər 7 minədək cərimələnəcək: Prezident təsdiqlədi
• İlham Əliyevdən futbolla bağlı - Sərəncam
• Bakıda bu avtobuslar yeni daşıyıcılara həvalə edildi
• İlham Əliyev fərman imzaladı
• Qarsdan çağırıldı - İstanbula konsul göndərildi
• Sabah dənizdə dalğa artacaq
• Bakıda güclü külək bu vaxt zəifləyəcək