Boliviya hüquq-mühafizə orqanları cinayətkarların Avropaya göndərməyi planlaşdırdıqları 7,2 ton kokain partiyasını müsadirə ediblər.

BUTA.TV xəbər verir ki, bu barədə Boliviyanın narkotik vasitələrin qanunsuz dövriyyəsi ilə mübarizə üzrə xüsusi bölməsi məlumat yayıb.

Boliviyanın daxili işlər naziri Karlos del Kastilon qeyd edib ki, bu, ölkə tarixində müsadirə edilmiş ikinci ən böyük kokain göndərişidir. Cinayətkarlar narkotikləri metal qırıntıları olan yük maşınlarında daşıyıblar. Yük Çilinin İkike limanına gətiriləcək və oradan da Belçikaya çatdırılacaqdı.

Hüquq-mühafizə orqanları yükün dəyərini 451 milyon dollar qiymətləndirir.

Qeyd edək ki, yanvar ayında Boliviya səlahiyyətliləri 8,7 ton kokain müsadirə etmişdi. Bu, indiyə qədər ölkə tarixində ən böyük narkotik qaçaqmalçılığı idi.

• Şəkidə qəzada ölən 24 yaşlı Mahirin - Fotosu
• Sabah 40 dərəcə isti olacaq
• Yaylaq Festivalında çardaq niyə çöküb - Açıqlama
• Şəkidə maşın piyadaları vurdu: 1 ölü, 1 yaralı
• Dənizdə batan Ümid müstəntiq işləyirmiş
• Faktiki hava: 39 dərəcə isti qeydə alındı
• Bakıda evdə meyit tapıldı
• Naxçıvanda təcili yardım maşını aşdı: yaralılar var