Ermənistan pərdəarxası danışıqlarda Azərbaycana təslim olub.

BUTA.TV Publika.az-a istinadən xəbər verir ki, bu barədə Ermənistanda “Qara pantera” hərbi qruplaşmasının rəhbəri Serob Qasparyan deyib.

Qasparyan bildirib ki, təslim aktına görə Ermənistanın silahlanmağa haqqı yoxdur:

“Buna görə Azərbaycan Ermənistana silah göndərilməsinə qarşı çıxır. Hazırda Ermənistan rəhbərliyi himnimizin, gerbimizin, konstitusiyasımızın dəyişməsindən danışır. Bu o deməkdir ki, ölkəmiz artıq təslim olub”.

Qasparyan sensasiya hesab olunacaq iddia irəli sürüb.

“Mən kartları açmaq istəyirəm. Qarabağın keçmiş “rəhbəri” Araik Arutyunyan iki il əvvəl mənə bir sirri etiraf etmişdi. Bildirmişdi ki, Ermənistan ordusu patrul xidməti ilə əvəz olunacaq. Yəni Ermənistanda ağır hərbi texnika olmayacaq, sərhədi tüfənglə - avtomatla silahlanmış patrul xidməti qoruyacaq. Bu, Azərbaycanın tələbidir və o deməkdir ki, Ermənistan qeyd-şərtsiz təlim olub. Ermənistana vaxt verilib. Məlumatlar var ki, iyun ayı sonuncu vaxtdır, buna qədər sərhəddə erməni ordusu qalmayacaq, ordunun patrul xidməti ilə əvəzlənməsi prosesi həyata keçiriləcək”, - o bildirib.

Qasparyan bildirib ki, Ermənistanın bütün sərhədləri Azərbaycanın nəzarətində olacaq.

• Ermənistan Rusiyaya buna görə nota verdi – Video
• ABŞ-İrəvan sazişi: Bu, İranla müharibəyə hazırlıqdır - Özər
• Ermənistan Rusiyaya nota verdi
• Bayramova ingiliscə saxta məktub... - Arkov
• Konfransa çağırılıb həbs edilən azərbaycanlı açıqlama yaydı
• ABŞ qüvvələri sərhədimizə yeridilir: Məqsəd nədir?
• Azərbaycanlı Dağıstanın Bakıdakı nümayəndəsi təyin edildi
• ABŞ-Ermənistan strateji sazişi – Tam mətn