Azərbaycanla Türkiyənin dostluğu və qardaşlığı sayəsində birgə həyata keçirilən layihələr regionun inkişafında və Avropa ilə Asiya arasında enerji və kommunikasiya dəhlizinin yaradılmasında böyük rol oynayır.
BUTA.TV xəbər verir ki, bunu Azərbaycanın Baş naziri Əli Əsədov paytaxt Ankarada keçirilmiş Türkiyə – Azərbaycan biznes forumunda deyib.
Baş nazir bildirib ki, Bakı–Tiflis–Ceyhan, Bakı–Tiflis–Ərzurum qaz kəmərləri, TANAP, Bakı-Tiflis-Qars (BTQ) Türkiyə ilə Azərbaycanın birgə ən uğurlu layihələrindəndir: “Mayın 25-də açılacaq Bakı-Tiflis-Qars (BTQ) dəmir yolunda yükdaşımaların həcmi artırılacaq”.
Əli Əsədov iki tərəfli formatda həyata keçirilən layihələrə qarşılıqlı olaraq milyardlarla dollar həcmində sərmayələr qoyulduğunu açıqlayıb:
“Bu gün biz münasibətlərimizə uzunmüddətli və strateji yanaşmalarla baxırıq. Həm Azərbaycan, həm də Türkiyə hökumətləri bütün sahələrdə əməkdaşlıq üçün birgə fəaliyyətlərə hazırdırlar”.
- Bu xəbərlərə də göz at
- Putin Rəisinin həlak olması ilə bağlı başsağlığı verdi
- İranda son durum: Rəisiyə mərsiyə deyilir - Video
- Rəisidən sonra İran parlamentinin ilk iclası...
- İran XİN helikopter qəzası ilə bağlı yeni açıqlama yaydı
- Rəisi və Abdullahian bizim üçün... - Lavrov
- Bütün İranın gözü Təbrizdədir: nazirlər də gəldi