Prezident Vladimir Putin Mixail Mişustinin yenidən baş nazir vəzifəsinə təyin edilməsini təklif edib.
BUTA.TV xəbər verir ki, bunu Rusiya Dövlət Dumasının spikeri Vyaçeslav Volodin Teleqram kanalında yazıb.
Volodin bildirib ki, baş nazirliyə namizəd ilk olaraq məruzə ilə çıxış edəcək, deputatların suallarını cavablandıracaq, daha sonra səsvermə keçiriləcək.
Plenar iclas saat 14:00-da (Bakı vaxtı ilə 15:00) keçiriləcək.
Qanuna görə, Dövlət Dumasının təsdiqləməsindən sonra prezident hökumətin başçısını təyin edir. Yeni baş nazir bir həftə ərzində dövlət başçısına federal icra hakimiyyəti orqanlarının strukturu ilə bağlı təkliflərini, iki həftə ərzində isə baş nazirin müavinləri və federal nazirlər (güc strukturları və XİN istisna olmaqla) vəzifəsinə namizədləri Dövlət Dumasının təsdiqi üçün təqdim etməlidir. Deputatlar təsdiq edərsə, prezident bütün təyinatları təsdiqləməlidir. Müdafiə Nazirliyi, FTX, Daxili İşlər Nazirliyi, Ədliyyə Nazirliyi, Fövqəladə Hallar Nazirliyi və Xarici İşlər Nazirliyinin rəhbərləri Federasiya Şurası ilə məsləhətləşmələrdən sonra prezident tərəfindən təyin edilir.
- Bu xəbərlərə də göz at
- Rəisinin olduğu helikopterin siqnalı ya sönülü olub, ya da...
- Ziya Babaşov Avropa çempionatının finalında!
- BMT TŞ-nin iclasında İrana görə bir dəqiqəlik sükut
- Hərbi xidmətlə bağlı tibbi müayinənin aparılması qaydası
- Putin müdafiə nazirinin müavinini işdən çıxartdı
- Mincivan qəsəbəsinə nə qədər əhali köçürüləcək?