120 təşkilat hökumətə “Xarici agentlər haqqında” qanunu qeyd-şərtsiz geri götürmək üçün birgə çağırış edib. Bəyanatda bu qanunun hakimiyyətin xalqa qarşı zorakılığının, hədə-qorxu və ölkəyə xəyanətin simvoluna çevrildiyi bildirilir.
BUTA.TV xəbər verir ki, bu barədə “SOVA Nyus” məlumat yayıb.
“Gürcüstanda Putinin qaydalarını bərqərar etmək cəhdi iki yüz ildən artıqdır ki, Gürcüstanın “ruslaşmasına” qarşı mübarizə aparmış və mübarizə aparan bütün əcdadlarımıza və soydaşlarımıza xəyanətdir. Bütün beynəlxalq ictimaiyyət tərəfindən qınanılan qanun layihəsi qanuna çevrilməzdən əvvəl prezidentin veto hüququ qalır və parlament bunu ləğv etməlidir. Biz bir daha bəyan edirik ki, gürcü xalqı Rusiya qanunlarını, zorakı idarəçiliyi və Qərb dünyasından ayrılığı qəbul etməyəcək. Biz Gürcüstan prezidentinin bu qanunu təkmilləşdirməyin mümkün olmadığı və Avropa Komissiyasının bəyanatı ilə bağlı mövqeyini tamamilə bölüşürük, ona görə qanun geri götürülməlidir. Qanun artıq sadəcə hüquqi mətn deyil, hakimiyyətin xalqa qarşı zorakılığının, qorxudulmasının və ölkəyə xəyanətin simvoluna çevrilib. Bu zorakılığın qarşısının alınmasının və Qərb vektorunun dəyişdirilməsinin hüquqi nəticəsi şəxsi maraqlarını ölkə konstitusiyasından üstün tutanlara və onların ailələrinə tətbiq olunacaq şəxsi maliyyə sanksiyaları olacaq. Gürcü xalqının iradəsi sarsılmazdır. Gəmimiz Avropaya gedir. Bir daha təkrar edirik - hökumət bu qanunu qeyd-şərtsiz geri götürməlidir. Avropaya hə! Rusiya qanunlarına yox!” - bəyanat bildirilib.
- Təyyarə qəzası: Türkiyəyə Ankarada “xəbərdarlıq” edildi? - Ağar
- Saşanın anası danışdı: Atası Qarabağda döyüşüb
- Tufan Sadıqova qarşı ağır ittiham: Dövləti aldadıb...
- Həbs edilən şəbəkə haqda şok iddia: Elə yüklər daşınıb ki...
- Prezidentin ad günündən ailə - Fotosu
- Məhz indi Bəylər Əyyubovun bu açıqlaması trend oldu - Video
- İlham Əliyevdən xəbərdarlıq: Ayıq olmalıyıq...
- AZAL təyyarəsində həlak olanların xatirəsinə plitə ucaldıldı