Belarus və Azərbaycan 2030-cu ilədək ölkələr arasında ticarət dövriyyəsini tədricən 1 milyard dollara çatdırmaq niyyətindədir.

BUTA.TV xəbər verir ki, bu sözləri Belarus Respublikası Baş nazirinin müavini İqor Petrişenko deyib.

Onun sözlərinə görə, Azərbaycanda traktorlarla yanaşı, kommunal, yanğınsöndürmə və digər təyinatlı texnikanın, o cümlədən Belarus liftlərinin yığılması nəzərdə tutulub:

“Biz dərman və baytarlıq preparatlarının birgə istehsalı, eləcə də Azərbaycan azotundan və Belarus kaliumundan qarışıq gübrələrin istehsalını planlaşdırırıq. Biz təcrübə mübadiləsi aparacaq, həmçinin mütəxəssislərin hazırlanmasına dəstək göstərəcəyik”.

Baş nazirin müavini Belarusun Qarabağ iqtisadi zonasında görəcəyi işlər haqqında da söz açıb:

“Əsas layihələrimizdən biri Ağdam rayonunda kənd təsərrüfatı məhsullarının istehsalı və emalı da daxil olmaqla inteqrasiya olunmuş müasir kənd təsərrüfatı şəhərciyinin qurulması, bu kənd təsərrüfatı kompleksinin işçiləri və onların ailə üzvləri üçün yaşayış və sosial obyektlərin yaradılması olacaq. Biz həmçinin bu ərazidə Belarus avadanlıqlarına xidmət göstərmək üçün multibrend servis mərkəzi tikməyi planlaşdırırıq”.

• Azərbaycanda Türkiyə bazası? - Konstitusiya imkan vermir
• Prezident Şahbaz Şərifi Xankəndidə qarşıladı
• Kiyevə hücum: Azərbaycan restoranı darmadağın edildi - Foto
• Bu ölkələrin başçıları Xankəndidədir
• Rusiya Bakıya doğru “barışıq addımı” atdı - Kommersant
• Azərbaycan diasporunun fəaliyyəti yoxlanılsın - Mironov
• DTX-nin Yekaterinburqdan gətirdiyi İbrahimov kimdir?
• Prezident Ağdam səfəri ilə bağlı video paylaşdı