NATO Rusiya və Çindən artan təhlükəyə önləm almaq məqsədi ilə nüvə silahlarını döyüşə hazır vəziyyətə gətirmək - daha çox nüvə silahı yerləşdirmək, onları anbardan çıxarmaq və gözləmə rejimində saxlamaq üçün danışıqlar aparır.
BUTA.TV xəbər verir ki, bunu NATO-nun baş katibi Yens Stoltenberq Britaniyanın “Teleqraf” qəzetinə deyib.
O bildirib ki, nüvə şəffaflığı NATO-nun alyansı daha təhlükəli bir dünyaya hazırlamaq üçün nüvə strategiyasının təməl daşı olmalıdır:
“NATO-nun məqsədi, əlbəttə ki, nüvə silahı olmayan bir dünyadır. Lakin nüvə silahı mövcud olduqca biz ittifaq olaraq qalacağıq. Rusiya, Çin və Şimali Koreyanın nüvə silahına malik olub, NATO-nun isə olmadığı bir dünya daha təhlükəli bir yer olar”, - o bildirib.
Xatırladaq ki, Y.Stoltenberq keçən həftə nüvə silahlarının NATO-nun son təhlükəsizlik zəmanəti və sülhü qorumaq vasitəsi olduğunu söyləyib.
- Bu xəbərlərə də göz at
- 3 polisi qətlə yetirən şəxs belə zərərsizləşdirilib - Foto
- ADU-da təntənəli “Məzun günü” keçirildi
- Güclü külək: gəmilərə xəbərdarlıq edildi
- Yaşar Yakış vəfat etdi
- Fransanın Ermənistana “Sezar” verməsi... - EAPCA
- 46 yaşlı kişi dənizdə batdı