Dövlət qulluğuna qəbul olmaq üçün imtahan verən şəxs sualların çətin, bəzilərinin isə səhv olduğunu iddia edib.

BUTA.TV-ın “Xəzərxəbər”ə istinadən məlumatına görə, söhbət iyun ayının 30-da keçirilən dövlət qulluğuna qəbul imtahanından gedir.

Səxavət Nəsirov bildirib ki, bəzi sualların ötən imtahanlara nisbətən qəliz, bəzilərinin isə səhv olması ona və digər namizədlərə çətinlik yaradıb.

Onun sözlərinə görə, sual kitabçalarının iştirakçılara verilməməsi də onları qane etməyən məqamlardandır. Çünki kitabçalar verilmədiyindən suallardakı səhvi sübut etmək çətin prosesə çevrilir.

İddialara Dövlət İmtahan Mərkəzinin sektor müdiri Xanlar Xanlarzadə qeyd edib ki, imtahan sualları elmi-metodiki araşdırmalar əsasında hazırlanır.

Sualların səhv olması ilə bağlı iddialara gəlincə, Xanlar Xanlarzadə hazırda müraciətlərin araşdırıldığını deyib.

O əlavə edib ki, sual kitabçalarının imtahan iştirakçılarına verilməsi dünya təcrübəsində yoxdur. Bundan əlavə, bu il qeyd olunan sual növbəti imtahan kitabçalarında da yer ala bilər. Bu səbəbdən də kitabçaların iştirakçılara verilməsi məqsədəuyğun hesab olunmur.

Ətraflı süjetdə:

• Azərbaycanın hərbi gəmiləri yola düşdü - Foto
• İlham Əliyev Britaniya Kralını təbrik etdi
• İranın nüvə obyektləri ətrafında mövcud vəziyyət... - Bayramov
• Bakıdan Təbrizə aviareyslər bu tarixədək ləğv edildi – Rəsmi
• Bayramov Arakçı ilə danışdı
• Yaxın Şərqdən gələ biləcək yeni sunamilərə hazır idik!
• İranın raketlərinin 25%-i İsrail müdafiəsini keçə bilib
• Ermənistanda bu sözə qıcıqlanırlar: Həmişə zarafatla deyirəm ki…