Sabiq kənd təsərrüfatı naziri Heydər Əsədov kürəkəni, keçmiş nəqliyyat naziri Ziya Məmmədovun oğlu, iş adamı Anar Məmmədovun Britaniyada milyonlarla dəyəri olan sərvəti barədə yayılan məlumatlara münasibət bildirib. Heydər Əsədov Demokrat-a açıqlamasında yayılan sənədlərin saxta olduğunu söyləyib:
“Əgər doğrudan da Anarın o qədər mülkü varsa, verirəm sizə, gedib götürün. Yayılan o sənədlərə də yaxşı-yaxşı baxın”. Daha sonra Heydər Əsədov kürəkəni ilə bağlı jurnalistin verdiyi suala etiraz edərək, “gedin işinizlə məşğul olun” deyərək, telefonu asıb. Xatırladaq ki, Azərbaycanın sabiq nəqliyyat naziri Ziya Məmmədovun oğlu Anar Məmmədovun Böyük Britaniyada milyonlarla dollar dəyərində olan biznesi üzə çıxıb.
43 yaşlı Anar Məmmədov Amerika qızartma toyuq zənciri KFC-nin İngiltərədə françayzinqinə milyonlarla dollar xərcləyib. Məlumata görə, KFC şəbəkəsinə yatırımları Məmmədovun Britaniyadakı biznes və daşınmaz əmlak portfoliosunun - əmlak çantasının bir hissəsidir.
“Transparency International UK” təşkilatının Britaniya torpaq reystrindən əldə etdiyi qeydlərə görə, bu portfolioya Londonun ən bahalı küçələrində toplam dəyəri 30 milyon dolları aşan daşınmaz əmlak da daxildir.
O, bu daşınmaz əmlakın çox hissəsini atasının nazir olduğu vaxtda əldə edib.
- Qüdsdə bayram tədbirində erməni keşişlərin əxlaqsızlığı - Foto
- Azərbaycanda 273 ukraynalı uşaq reabilitasiyadan keçdi
- İrəvan niyə Minsk qrupunu saxlamaqda israr edir? - Bayramov
- Bayramov Çavuşoğlunun atasının vəfatına görə Türkiyədə - Foto
- ABŞ elan etdi: seçki, insan haqları “tələbi” bitdi
- İrəvan toqquşma hazırlayır: Bu, artıq Bakı ilə deyil, Rusiya girəcək!
- Mövqelərimiz atəşə tutuldu: Ordumuz adekvat cavab verdi
- AB Türkiyəni “türk əli” ilə vurdu - Ərdoğan özü razılıq verib?