İyulun 30-dan 31-nə keçən gecə HƏMAS Siyasi Bürosunun rəhbəri İsmayıl Haniyənin Tehranda öldürülməsindən sonra həbs edilənlər arasında İranın xüsusi polis bölmələrinin komandiri general Həsən Kərəmi də var.
BUTA.TV xəbər verir ki, bu barədə İran mediası məlumat yayıb.
Onun casusluq ittihamına görə həbs edildiyi bildirilir.
SEPAH-a bağlı "Tasnim" xəbər agentliyi isə Kərəminin həbs edilməsi xəbərini təkzib edib.
Agentlik Həsən Kərəminin bu gün səhər iş yerində olduğunu yazsa da, onun niyə media nümayəndələri qarşısına çıxmaması və ya görüntülü bəyanat verməməsinə aydınlıq gətirilməyib.
Media nümayəndələrinin H.Kərəmidən açıqlama almaq cəhdləri baş tutmayıb, onun məşğul olduğu iddia edilib və jurnalistlərə vaxt ayıra bilməyəcəyi deyilib.
Qeyd edək ki, İsmayıl Haniyənin öldürülməsinə görə SEPAH-ın təhlükəsizlik bölməsi 20-dən çox şəxsi həbs edib. Onların arasında yüksək rütbəli zabitlər və Haniyənin qaldığı mehmanxananın əməkdaşları da var.
- Bu, qardaş özbək xalqından çox böyük hədiyyədir - Prezident
- Liderlər akvariumdakı balıqları seyr etdi - Video
- 1276-cı gün: Rusiyanın itkiləri yeniləndi
- Bu yol Zəngəzur dəhlizinin açarı olacaq - Uraloğlu
- Zəngəzurla bağlı mühüm layihəsinin təməli atıldı
- Azərbaycan və Rusiya rəsmiləri bu şəhərdə görüşəcək
- Putin Mehriban Əliyevanı təbrik etdi
- “Gedişhaqqını 1 manat etmək olar” - Azərbaycanda nəqliyyat xərci niyə yüksəkdir?