Xəbər verdiyimiz kimi, sentyabrın 7-də Biləsuvar rayonunda 2022-ci il təvəllüdlü uşaq masajçı (sınıqçı) Nərgiz İmanova tərəfindən masaj edilərkən ölüb. Rentgen müayinəsindən sonra heç bir problemi olmadığı deyilən körpənin masaj nəticəsində vəfat etməsi onun hansı səbəbdən öldüyü məsələsini gündəmə gətirib.
Mövzu ilə bağlı BUTA.TV-a danışan həkim, tibb üzrə elmlər doktoru Adil Qeybulla bildirib ki, evdə, xəstəxanda, küçədə olmasından asılı olmayaraq vəfat edən şəxsin meyiti təşrih olunmalıdır.
Həkimin sözlərinə görə, bu ölüm hadisəsi müəmmalıdır və dəqiq diaqnoz qoyulmadan rəy vermək mümkün deyil:
“Ölüm qeydə alınandan sonra meyit yarılmalı, diaqnozu qoyulmalı və onun əsasında rəy verilməlidir. Təşrih olunmayan meyitin diaqnozu qoyula bilməz və bu da müxtəlif şayiələrə səbəb olur. Ola bilər ki, uşaqda yan patalogiya olub. Sadəcə, həmin prosedur zamanı üst-üstə düşüb. Ola bilsin flotasiya edən, üzən dərin venalarda tromb olsun. Bu da tromboembaliya yaradıb. Birmənalı nəsə demək çətindir”.
Ölkədə buna bənzər çoxlu müəmmalı ölümlərin mövcudluğuna diqqət çəkən həkim həqiqətin ortaya çıxarılması üçün təşrihə icazə verilmədiyini deyib:
“Bizim insanlar təşrihdən həmişə yayınır, meyitin yarılmasına icazə vermirlər. Buna görə də çoxsaylı ölümlər müəmmalı olaraq qalır. Əslində, belə ölüm hallarında kriminal baş verir. Bunu aşkar etmək üçün təşrih lazımdır. Biləsuvardakı ölüm faktını aydınlaşdırmaq üçün də təşrih olmasa, uşağın ölüm səbəbi bilinməyəcək”.
- Milyarderlər siyahısına Ələkbərov başçılıq edir
- Uşaqlıqda çoban olmuşam, məktəbə gedə bilmədim...
- Fransada siyasi rəqiblərə qarşı repressiya başladı
- Pezeşkianın Azərbaycana səfərinin vaxtı məlum oldu
- Çoban İsfəndiyar, əlaltı alimlər və anormal reaksiya
- Paşinyan ordunu silahlandırır, atəşkəsi pozur – Nə istəyir?
- İrəvandan azərbaycanlılara təbrik mesajı göndərən türkiyəli bloqerə cinayət işi açıldı
- Türkiyədə səs yazısı: Azərbaycanlıları kənddən çıxarmaq üçün…