Kanadanın Ontario əyalətinin psixi sağlamlıq və asılılıqlar üzrə nazir müavini Maykl Tibollo (Michael Tibollo) Azərbaycana səfəri çərçivəsində Xankəndi və Şuşa şəhərlərində olub.
BUTA.TV xəbər verir ki, əvvəlcə Xankəndinə gedən qonaq şəhərlə tanış olub və Qarabağ Universitetinin rəhbərliyinin Xaricdə Yaşayan Azərbaycanlı Alimlərin Forumunun iştirakçıları ilə apardığı fikir mübadiləsində yaxından iştirak edib.
Daha sonra Şuşaya yola düşən nazir müavini Maykl Tibolloya şəhərin tarixi, erməni işğalı dövründə törədilən vandalizmlər və işğaldan azad olunduqdan sonra aparılan təmir-bərpa, yenidənqurma işləri haqqında məlumat verilib. “Güllələnmiş heykəllər” abidəsi, Şuşa qalası, Cıdır Düzü və digər görməli yerləri ziyarət edib.
Qeyd edək ki, Maykl Tibollo Şuşaya səfəri ərəfəsində “Maddə istifadəsi pozğunluqlarının müalicəsi üçün uzunmüddətli yaşayış terapevtik icmalarının effektivliyi” mövzusunda doktorluq dissertasiyasını müdafiə edərək klinik psixologiya üzrə doktorluq dərəcəsinə yiyələnib.
- Suriya üzrə danışıqlar yenə Bakıda keçiriləcək
- Ərdoğan Kamran Əliyevi qəbul etdi
- Ukrayna buna görə Azərbaycana təşəkkür etdi
- AZAL təyyarəsini vurmağı əmr edən generalla bağlı qərar - Foto
- Onların şücaəti heç zaman unudulmayacaq - Prezident
- Azərbaycan mediası bunu hər şeydən uca tutmalıdır - Əliyev
- İnformasiya məkanında qazandığımız zəfər... - Prezident
- Azərbaycan-Türkiyə hərbi memorandum imzaladı - Video