Rusiya Baş nazirin müavini Overçukun və Təhlükəsizlik Şurasının katibi Şoyqunun ağzı ilə Zəngəzurdakı eksterritorial dəhlizin əleyhinə olduğunu təsdiqləyib.

BUTA.TVxəbər verir ki, bunu erməni politoloq Suren Surenyants deyib.

“Bununla belə, İrəvanda dəhlizi tələb edənin Moskva olması ilə bağlı əfsanə yaymaqda davam edirlər. Faktiki olaraq Paşinyan çıxılmaz vəziyyətdə qalıb, bir tərəfdən İrəvanın 2020-ci il üçün üçtərəfli bəyanatdan öz imzasını geri götürməyəcəyini bəyan edir, digər tərəfdən gələcək kommunikasiyaların təhlükəsizliyinə nəzarətin özəl şirkətlərə ötürülməsi imkanından danışır. Bu, məntiqsizdir və yeni eskalasiyaya səbəb ola bilər. İndi geosiyasi mərkəzlər Ermənistanın cənubundan keçən marşruta nəzarət üçün real mübarizəyə, rəqabətə başlayıb və bu mərkəzlər əslində İrəvanla Bakı arasında heç bir sülh müqaviləsində maraqlı deyil. İrəvanın 44 günlük müharibədə məğlubiyyətindən sonra Zəngəzur vasitəsilə bu 42 kilometrlik rabitəyə tam nəzarət etmək hüququnu itirməsi Ermənistan üçün vəziyyəti çətinləşdirib. Bunun məsuliyyəti isə ilk növbədə Baş nazir Paşinyanın üzərinə düşür. 2020-ci il noyabrın 9/10-da üçtərəfli bəyanatı imzaladıqdan sonra Paşinyan amerikalılara rabitə üzərində nəzarəti vəd etdi. Yeri gəlmişkən, İranın narahatlığı da bununla bağlıdır”, - o bildirib.

Politoloq bu cür manevrləri - son nəticədə yeni eskalasiyaya səbəb ola biləcəyindən ehtiyat edərək, məntiqsiz hesab edir:

“Paşinyan geosiyasi mərkəzlərin maraqlarının toqquşması siyasəti yürüdür ki, bu da sonda Zəngəzurda partlaya bilər. Elə məqam yetişdi ki, bütün bu güc mərkəzləri Paşinyanın vəd etdiklərini almağa gəldi. Baş nazir amerikalıların və Rusiyanın ona nə vəd etdiyini açıqlamır. Nəticədə Ermənistan ictimaiyyəti Paşinyanın Qarabağı və Zəngəzurda Gorus-Qafan yolunu nəyə qurban verdiyini bilmir. Ermənistandan yalnız Azərbaycan və Türkiyə eksterritorial dəhliz tələb edir. Heç bir geosiyasi mərkəz bunu tələb etməyib. Lakin Türkiyə-Azərbaycan planının reallaşma ehtimalının yüksək olduğunu nəzərə alaraq, bu mərkəzlərin hər biri bu marşruta özü nəzarət etmək istəyir”.

• Taksi qiymətlərində yenidən DƏYİŞİKLİK
• Kərə yağları ilə bağlı ŞOK: Dəhşətli FAKTLAR
• 70 kq qızılla saxlanılan hərbi attaşe barədə qərar
• Qaz limitinin artırılması ilə bağlı təklif!
• Heç vaxt belə olmamışdı: iki nazirimiz gecə 4-də…
• Dünyanın ən ucaboy liderləri: Əliyev və Ərdoğanın yeri...
• Bakıda NATO nümayəndə heyəti ilə görüş keçirildi
• Bu nazirliyin tabeliyindəki qurumların sayı artırıldı - Qərar