Sosial şəbəkələrdə milyonlarla izləyicisi olan “Nas Daily” adlı dünyaca məşhur kontent yaradıcısının Azərbaycanla bağlı hazırladığı video gündəm olub.
BUTA.TV Globalinfo.az-a istinadla xəbər verir ki, materialda Azərbaycanın necə nümunəvi, tolerant ölkə olduğundan bəhs edilir.
Nas videonu iki bestseller müəllifi, tanınmış yazar Aija Mayrokla birgə ərsəyə gətirib. Çəkilişlər əsasən Bakı və Qubada aparılıb. Burada yəhudilərin, müsəlmanların və xristianların birlikdə firavan və sülh içində yaşadığı nümayiş etdirilir. Ölkəmizdə yerləşən məscid, sinaqoq və kilsələr göstərilir. Hətta müxtəlif din xadimlərinin bir-biri ilə isti münasibətdə olduğu diqqətə çatdırılır.
Materialın müəllifləri Azərbaycanda Dini Qurumlarla iş üzrə Dövlət Komitəsinin olması və onun bütün dinlərə tolerant yanaşmanın qorunmasına xidmət etməsindən təəccübləndiklərini deyirlər.
“Azərbaycan əsl birgəyaşayış ölkəsidir. Bura tarixi İpək Yolunun üzərində yerləşir. Yüz illərlə buradan müxtəlif düşüncəyə sahib insanlar keçib. Bəs onlar tolerantlığı qorumağı necə bacarıblar? Paytaxt Bakıda gözəl məscidlər, kilsələr və sinaqoqlar var. Hətta burada fərqli inanca sahib insanlar bir-biri ailə qurur, birlikdə dua edir, milli bayramları keçirirlər. Bu, Azərbaycanın inanılmaz hekayəsidir”, – müəlliflər bildirir.
Videonu təqdim edirik:
- Millimiz Olimpiadada İtaliya ilə bərabərliyə razılaşdı
- Livan vətəndaşlarına sirli mesajlar gəlir: Əməliyyat kodu...
- Hizbullah İsrailin 7 kazarmasına zərbə endirdi
- "Qarabağ"ın Avropa Liqasındakı rəqibi heç-heçə etdi
- Tehranda ballistik raket zavodunda partlayış baş verdi - Video
- Salyanda 4 yaşlı uşağı əqrəb sancdı
- Mirzoyan ABŞ rəsmisi ilə Bakıyla əlaqələri müzakirə etdi
- Prezidentdən tarixi günlə bağlı paylaşım - Video