Ermənilər növbəti dəfə yeni bir iddia ilə sosial şəbəkələrdə diqqətləri üzərlərinə çəkməyi bacarıblar.

BUTA.TV Globalinfo.az-a istinadla xəbər verir ki, X platformasında erməni səhifələrindən biri son zamanlarda dünyada məşhur olan “Dubay şokoladı”nın əslində erməni şirniyyatı olduğunu iddia edib.

Səhifənin paylaşımında Sultan Şahqulu Ustaçlıyan adlı erməni tarixçinin 16-cı əsrdə yazdığı mətnlərdə həmin dövrdə məşhur olan şokoladın reseptini qeyd etdiyini bildirilib. Ustaçlıyanın 5 əsr əvvəl ermənilərin Şuşada püstə və fındıqla şokoladı qarışdıraraq şirniyyat hazırlandığını, bunun o zamanlarda çox məşhur olduğunu vurğuladığı bildirilir. Hətta səhifə “Dubay şokoladı”nın əsl adının “Şuşa şokoladı” olduğunu yazıb. İddiaya bir neçə erməni də dəstək verib.

Sözügedən paylaşım sosial şəbəkələrdə birmənalı qarşılanmayıb. Bu iddia “gülünc” adlandırılıb və ciddi şəkildə tənqid edilib.

Xatırladaq ki, Şuşa şəhərinin yaşı 3 əsrdən azdır. Bura 1752-ci ildə Qarabağ xanı Pənahəli xan tərəfindən salınıb.

• 1649-cu gün: Rusiya Ukraynanın itkilərini yenilədi
• Rusiyalı deputat nüvə silahı ilə hədələdi
• Makronun reytinqi kəskin azaldı
• Ancelina Coli Ukraynaya səfər etdi
• “Yaxşı ki, tibbə qəbul olmadım” - 617 balla baytarlığı seçən Xaliq
• Szinpin bu türk ölkəsinə səfər etdi
• Ukraynanın məğlubiyyəti yaxınlaşır - Peskov
• Kipr sahillərində 297 sərnişinin olduğu gəmi batır