İnternetdə bir qrup azərbaycanlının (ehtimal ki, İran vətəndaşı) İrəvanın Respublika meydanında “Qarabağ” mahnısını azərbaycanca oxumasını əks etdirən videonun erməniləri şoka saldığı barədə məlumat vermişdik.

BUTA.TV Publika.az-a istinadla xəbər verir ki, Ermənistan hakimiyyəti videonun köhnə olduğunu iddia edib. Amma politoloq Qaqik Hambaryan öz Feysbuk səhifəsində bildirib ki, video yenidir.

“Əvvəla, materialın köhnə və ya təzə olması bir o qədər də önəmli deyil, fakt odur ki, material yenidir və bunun sübutu Respublika meydanının bəzəyidir... Konkret olaraq isə meydanda yerləşdirilmiş ulduzlardır. Hökumət binasının keçən il sökülən saat qülləsi dekorasiyalar arasında olmayıb və bu il quraşdırılıb... Yəni video yenidir”, - politoloq bildirib.

Hambaryan Azərbaycan kəşfiyyatının İrəvanda işlədiyinə də əmin olduğunu deyib:

“Güman edirəm ki, bütün bunların təşkilatçıları Azərbaycan xüsusi xidmət orqanlarıdır ki, onlar ilk növbədə ermənilərə Ermənistanda istədiklərini, istədikləri yerdə, istədikləri zaman edə biləcəklərini, Ermənistanın ağaları və hökmdarları olduqlarını göstərdilər. Onlar Respublika meydanında Azərbaycan dilində “Qarabağ” mahnısını oxuya bilirlər... İkincisi, bütün bunların təşkilatçıları daha bir faktı təsdiqlədilər ki, İrandan bəzi Azərbaycan vətəndaşları Ermənistana gəlib. Ermənistanda Azərbaycan agent şəbəkəsinin nümayəndələri var və onlar Bakının göstərişi ilə hər şeyə hazırdırlar”.

• Çin elan etdi: Rusiya müharibədə məğlub olsa...
• Ərdoğanın təyyarəsi Füzuliyə endi
• Fərid Əsgərovla bağlı maraqlı faktlar - Rafael Ağayevin anası üçün...
• “Böyük türk” bizi sıxışdırır: Əliyevi saxlamaq üçün...
• Xankəndidə Zirvə görüşü keçirilir - Canlı
• Azərbaycanda Türkiyə bazası? - Konstitusiya imkan vermir
• Prezident Şahbaz Şərifi Xankəndidə qarşıladı
• Kiyevə hücum: Azərbaycan restoranı darmadağın edildi - Foto