Hakimiyyət diplomatiyanın nə olduğunu başa düşmür, bütün ümidlərini Baydenə bağladılar. Heç kim onunla (Nikol Paşinyanla – red.) görüşmədi. Baxın, biz Amerika ilə strateji tərəfdaşlıq müqaviləsi imzaladıq, amma onlar heç bizim liderimizlə görüşməyi lazım bilmirlər.

BUTA.TV xəbər verir ki, bu sözləri politoloq Artur Xaçikyan ABŞ-da səfərdə olan Ermənistan Baş naziri Nikol Paşinyanı Prezident Donald Tramp və Dövlət katibi Marko Rubio da daxil olmaqla, yüksək çinli rəsmilərdən heç kimin qəbul etmədiyi haqda danışarkən deyib.

O bildirib ki, ABŞ-ın Ermənistanda heç bir strateji marağı yoxdur, digər tərəfdən, belə səfərlər aylar öncədən hazırlanır və razılaşdırılır, Paşinyan isə “qəfil” səfərə gedib, görüşməyə can atır:

“Amma Rusiya ilə münasibətləri korlayan, Qərbi istəyən, demokratiya arzulayan Ermənistanın lideri Trampla 15 dəqiqəlik görüşə belə layiq deyildi”.

Xaçikyan bu münasibətin Ermənistanın, o cümlədən Ermənistanın ABŞ-dakı səfirinin seçki vaxtı açıq şəkildə Demokratlar Partiyasının namizədini – Kamala Harrisi dəstəkləməsinin nəticəsi ola biləcəyini istisna etməyib.

Qeyd edək ki, Ermənistan Baş naziri 3 fevralda ABŞ-a səfər edib. 7 fevralda səfəri başa çatsa da, o, yeni administrasiyadan heç kəslə görüşə nail olmayıb.

• Qüdsdə bayram tədbirində erməni keşişlərin əxlaqsızlığı - Foto
• Azərbaycanda 273 ukraynalı uşaq reabilitasiyadan keçdi
• İrəvan niyə Minsk qrupunu saxlamaqda israr edir? - Bayramov
• Bayramov Çavuşoğlunun atasının vəfatına görə Türkiyədə - Foto
• ABŞ elan etdi: seçki, insan haqları “tələbi” bitdi
• İrəvan toqquşma hazırlayır: Bu, artıq Bakı ilə deyil, Rusiya girəcək!
• Mövqelərimiz atəşə tutuldu: Ordumuz adekvat cavab verdi
• AB Türkiyəni “türk əli” ilə vurdu - Ərdoğan özü razılıq verib?