Giriş qadağası ilə bağlı təsdiq almaq üçün Azərbaycan hakimiyyətinə rəsmi sorğu göndərməyi planlaşdırıram.
BUTA.TV xəbər verir ki, bunu Rusiya Dövlət Dumasının deputatı Nikolay Valuyev Azərbaycanın onu “arzuolunmaz şəxs" etməsilə bağlı rus mətbuatına açıqlamasında deyib.
Valuyev bu qərarı mübahisələndirməyəcəyini bildirib:
"Təəccübləndim. Baxın, mənim Teleqram kanalımı izləyin, nəticə çıxarın. Əgər bu, belə bir qərar üçün səbəb ola bilərsə, deməli, emosiyalar belədir. Bu məsələ məni ümumiyyətlə narahat etmir. Düşünürəm ki, diplomatiyada emosiyaların rolu olmamalıdır. Əsl səbəblər mənə aydın deyil. Mübahisələndirmək? Bunun nə mənası var? Mən o yerlərə getməyə xüsusi maraq göstərməmişəm, buna görə də mübahisələndirmək, necə deyərlər, dəyərmi? Bəli, təəccübləndim".
Deputat əlavə edib ki, giriş qadağası ilə bağlı təsdiq almaq üçün Azərbaycan hakimiyyətinə rəsmi sorğu göndərməyi planlaşdırır:
"Fikirləşirəm ki, rəsmi, nə bilim, bir sənəd almaq lazımdır. Biz sorğu yazacağıq. Kiminsə yazdığı bir şeyə görə danışmaq istəmirəm, çünki rəsmi şəkildə mənə heç bir bildiriş gəlməyib. Mənə deyirlər ki, bunu şərh et, amma ortada rəsmi bir reaksiya və ya bildiriş yoxdur ki, mən artıq orada arzuolunmaz şəxsəm", - deyə o qeyd edib.
Qeyd edək ki, Rusiya Dövlət Dumasının deputatı Nikolay Valuyev Azərbaycan dövləti və xalqı əleyhinə təhqiramiz ifadələr işlətmiş, ölkəmizə qarşı təhdid xarakterli fikirlər səsləndirmişdi. Azərbaycan Xarici İşlər Nazirliyi Valuyevi ölkəyə girişi qadağan edilmiş şəxslərin siyahısına daxil edib və onun ölkəmizə girişinə qadağa qoyub.
- Qüdsdə bayram tədbirində erməni keşişlərin əxlaqsızlığı - Foto
- Azərbaycanda 273 ukraynalı uşaq reabilitasiyadan keçdi
- İrəvan niyə Minsk qrupunu saxlamaqda israr edir? - Bayramov
- Bayramov Çavuşoğlunun atasının vəfatına görə Türkiyədə - Foto
- ABŞ elan etdi: seçki, insan haqları “tələbi” bitdi
- İrəvan toqquşma hazırlayır: Bu, artıq Bakı ilə deyil, Rusiya girəcək!
- Mövqelərimiz atəşə tutuldu: Ordumuz adekvat cavab verdi
- AB Türkiyəni “türk əli” ilə vurdu - Ərdoğan özü razılıq verib?