Maliyyə Nazirliyi vahid xəzinə hesabının milli valyutada olan 1 milyard manatlıq sərbəst qalığını 3 ay müddətinə 7,21% orta faizlə yerli banklarda depozitə yerləşdirib. Bildirilir ki, bu, Azərbaycanda yeni yanaşmadır və dövlət büdcəsinə əlavə daxilolmaların formalaşdırılması istiqamətində addımdır.

BUTA.TV xəbər verir ki, qərarın önəmi dövlət büdcəsinə əlavə gəlirlə yanaşı, həm də seçimdə yerli banklara üstünlük verilməsidir. Belə ki, depozit sistem əhəmiyyətli 4 banka yerləşdirilib və bu da yerli bankların imkanlarını genişləndirir.

Mövzu ilə bağlı saytımıza açıqlamasında iqtisadçı ekspert Natiq Cəfərli vurğulayıb ki, bu addım bank sektorunda likvidliyi artıracaq və vəsaitlərin daha səmərəli idarə olunmasına xidmət edəcək:

“Bu addımla banklarda kiçik müddətli – 3 aya qədər olan kreditlərin də faiz dərəcələrində müəyyən dəyişikliklər – yəni enmələr ola bilər. Əslində sərbəst vəsaitin iqtisadiyyatda dövr etməsi çox yaxşıdır. Yəni həmin məbləğ dövriyyəsiz qalmaqdansa, dövr etməsi, iqtisadi üstünlüklər qazandırması təbii ki, müsbət yanaşmadır”.

Xatırladaq ki, Maliyyə Nazirliyi dövlət büdcəsi vəsaitlərinin daha səmərəli idarə olunması məqsədilə vahid xəzinə hesabının milli valyutada olan sərbəst qalığının yerli banklarda depozitə yerləşdirilməsi üçün depozit hərracı təşkil edib. Hərracın nəticələrinə əsasən, vahid xəzinə hesabının 1 milyard manatlıq sərbəst qalığı 4 sistem əhəmiyyətli bankda, 3 ay müddətinə, 7,21% orta çəkili faiz dərəcəsi ilə depozitə yerləşdirilib.

• Putinin masasındakı “gizli qovluq”da nələr var? - Şok faktlar
• Ermənilər Göyçədən gedir: Qərbi Zəngəzurda nə baş verir?
• AYNA rəhbəri ABŞ-da gizlənən İlqar Hacıyevin milyonluq villasını alır — EKSKLÜZİV
• Azərbaycan müdafiə xərclərini artırır - MN
• Xəzər dənizi ilə bağlı kritik görüş
• Hava limanından Əhmədliyə London taksisinin qiyməti şok etdi
• Ağalarovun restoranında toy edən məmur işdən çıxarıldı
• Xəzərin Azərbaycan hissəsində tornado təkrarlana bilər?