Gürcüstanın Maliyyə Nazirliyinin Gəlirlər Xidməti sərhəddə gömrük nəzarətinin pozulması ilə bağlı bu gün mətbuatda yayılan məlumatı təkzib edən bəyanat verib.
BUTA.TV xəbər verir ki, bəyanatda rəsmi olaraq ölkənin gömrük ərazisində malların daşınması, eləcə də fiziki şəxslər tərəfindən bütün buraxılış məntəqələri vasitəsilə sərhəddən keçirilməsinin təxirəsalınmadan həyata keçirildiyi vurğulanıb.
“Bütün ölkə ərazisində gecə-gündüz iş rejimini təmin etmək məqsədilə gömrük əməkdaşlarının növbəsi artırılıb. Sabit beynəlxalq yük dövriyyəsini təmin etmək məqsədilə Türkiyə, Azərbaycan və Ermənistan gömrük orqanları ilə fəal koordinasiya aparılır.
Bütün nəzarət-buraxılış məntəqələrində müasir rentgen skanerləri quraşdırılıb ki, bu da yoxlama prosedurlarının daha sürətli aparılmasına və təhlükəsizliyin artırılmasına imkan verir.
Gəlir Xidməti ictimaiyyəti sərhəddə yüklərə nəzarət prosedurları ilə bağlı yalan və potensial zərərli məlumat yaymaqdan çəkinməyə çağırır”, - bəyanatda qeyd edilib.
- Dikin Azərbaycanda missiyası başa çatdı: Unudulmaz 6 il...
- Səudiyyə kralı və vəliəhdi Azərbaycana dəvət olundu
- Azərbaycan-Gürcüstan sərhədində problem?.. - Tiflisdən açıqlama
- Nazir Sahil Həmidova yeni vəzifə verdi
- Dünya daha da parçalanıb, tərəqqi isə azalıb - Qafarova
- Szinpinlə Əliyevin razılaşması buna təkan verəcək - Çjun
- Şahin Mustafayev İran səfiri ilə görüşdü
- Qovlar şəhərinin Baş planı təsdiqləndi