Quba rayonunda tullantıların daşınması zamanı sanitariya və ekoloji tələblərin pozulduğunu göstərən görüntülər yayılıb.
BUTA.TV xəbər verir ki, görüntülərdən yük avtomobilində tullantıların üzərinin lazımi qaydada örtülmədən və onların daşınma zamanı ətrafa səpələnməsinin qarşısını alan xüsusi vasitələr olmadan daşındığı görünür. Bu isə həm sanitariya, həm də ətraf mühitin mühafizəsi baxımından ciddi suallar yaradır.
Azərbaycanın “İstehsalat və məişət tullantıları haqqında” Qanununa əsasən, tullantıların toplanması, daşınması, yerləşdirilməsi və zərərsizləşdirilməsi müəyyən edilmiş ekoloji və sanitariya tələblərinə uyğun həyata keçirilməlidir. Tullantıların daşınması zamanı ətraf mühitin çirklənməsinin və tullantıların yollara səpələnməsinin qarşısının alınması əsas şərtlərdəndir.
Quba rayonunda məişət tullantılarının yerləşdirildiyi poliqon da mövcuddur. Poliqon Quba şəhərinin Dəvədabanı yaşayış massivi ərazisində yerləşir. Lakin tullantıların poliqona aparılması onların istənilən formada daşınmasına əsas vermir. Əksinə, tullantıların yaşayış məntəqələri və avtomobil yollarından keçirilməsi zamanı xüsusi nəqliyyat vasitələrindən istifadə olunmalı, tullantıların ətrafa yayılmasının qarşısı alınmalıdır.
Quba rayonunda qeydə alınan görüntülər əsasında aidiyyəti qurumların araşdırma aparması məqsədəuyğun olardı. Xüsusilə tullantıları daşıyan avtomobilin hansı quruma və ya şirkətə məxsus olduğu, daşınmanın hansı müqavilə əsasında həyata keçirildiyi və nəqliyyat vasitəsinin sanitariya tələblərinə cavab verib-vermədiyi müəyyənləşdirilməlidir.
Çünki söhbət təkcə estetik görüntüdən deyil, ətraf mühitin və insanların sağlamlığının qorunmasından gedir.
- Yalan deyirlər, biz ailə deyilik...
- Qarabağ kanalında bir nəfər batdı
- Bakıda külək əsir, rayonlara yağış yağır – Faktiki hava
- Yağış, şimşək, duman... - Faktiki hava açıqlandı
- Qubada tullantılar sanitariya qaydalarına zidd daşınır: araşdırma tələb olunur - VİDEO
- Hörmüzlə bağlı razılığa gəldilər
- “Qafqazinfo”nun ad günüdür
- Dövlət Departamenti 907-ci düzəlişlə bağlı Konqresə bildiriş göndərdi