Yevlaxda fəaliyyət göstərən iri kərpic istehsalı müəssisəsi BLOKSİ Məhdud Məsuliyyətli Cəmiyyəti (MMC) uzun müddətdir əmək haqqı ödənişləri ilə bağlı qalmaqalla gündəmdədir. Müəssisənin rəhbəri Şəmsəddin Muradov işçilərin maaşlarının verilməməsi və əmək hüquqlarının pozulması ilə bağlı şikayətlərin mərkəzindədir.
BUTA.TV Teleqraf-a istinadla xəbər verir ki, zavodda çalışan işçilər əmək haqlarını ala bilmədikləri üçün Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinə (DƏMX) müraciət edib. Nazirliyin apardığı yoxlama nəticəsində müəssisədə əmək haqqı ödənişlərində ciddi pozuntular aşkar edilib.
Nəticədə BLOKSİ MMC barəsində inzibati protokol tərtib olunub. Lakin Yevlax Rayon Məhkəməsi protokolu əsassız sayaraq ləğv edib.
Dövlət Əmək Müfəttişliyi Xidməti Yevlax Rayon Məhkəməsinin qərarından apellyasiya şikayəti verərək, müəssisə rəhbərliyinin cərimələnməsini tələb edib. Şəki Apellyasiya Məhkəməsi isə şikayəti qismən təmin edərək, işi yenidən araşdırılması üçün Yevlax Rayon Məhkəməsinə göndərib.
Hazırda məsələ məhkəmədə araşdırılır. İşçilər isə Şəmsəddin Muradovdan əmək haqlarının tam şəkildə və qanuni qaydada ödənilməsini tələb edirlər.
- İlham Əliyev gərginlik keçirən generallara deyir ki...
- Muradovun rəhbərlik etdiyi zavodda maaş qalmaqalı...
- Erməni həmkarlarla birgə əhalini buna hazırlayırıq - Hacıyev
- Zəfər Gününün beşinci ildönümü ilə bağlı bəyanat
- Zəngəzur dəhlizinin Azərbaycan hissəsi nə vaxt tamamlanır?
- Hər şeyi edəcəyik ki, Əliyev İrəvanda... - Simonyan
- DTX-nin saxladığı başçının köməkçisi danışdı
- Türk ölkəsində seçki: Rusiya “rusdilli əhali”dən narahatdır