Kiyevdəki Azərbaycan səfirliyinin binasına dəyən ziyan Ukraynanın hava hücumundan müdafiə sisteminin nasaz işləməsi səbəbindən baş verib.

BUTA.TV xəbər verir ki, bunu Rusiyanın xarici işlər nazirinin müavini Mixail Qaluzin Azərbaycanın Moskvadakı səfiri Rəhman Mustafayevlə görüşündən sonra verdiyi açıqlamasında deyib.

“Rusiya tərəfi baş verənlərlə bağlı səmimi şəkildə təəssüfləndiyini də bildirib. Mövcud məlumatların öyrənilməsinin nəticələrinə əsasən, Kiyevdəki Azərbaycan diplomatik nümayəndəliyinin bina kompleksinə dəyən ziyanın, çox güman ki, Ukrayna silahlı qüvvələrinin hava hücumundan müdafiə sistemlərinin düzgün işləməməsi, ehtimal ki, “Patriot” hava hücumundan müdafiə raketinin düşməsi nəticəsində baş verdiyi müəyyən edilib”, - o bildirib.

Qeyd edək ki, noyabrın 14-nə keçən gecə Rusiya silahlı qüvvələrinin Ukraynanın paytaxtı Kiyevə çoxkombinasiyalı hava hücumu nəticəsində Azərbaycanın Ukraynadakı səfirliyinin binasına ciddi ziyan dəyib.

• Müəllimini güllələyən şagird kimlərdən göstəriş alıb? - ŞOK DETALLAR ÜZƏ ÇIXDI
• Epşteyn adasındakı sirr DEŞİFRƏ OLDU: Dəhşətli qətl yazışmaları
• Putindən ABŞ-a 12 trilyon dollarlıq gizli təklif - Heyrətamiz
• Sumqayıtda ağır qəza: yaralılar var...
• Bakının bu yollarında sıxlıq var - Siyahı
• Müdafiə Nazirliyi həftəlik icmalını təqdim etdi - Video
• Sabahın hava proqnozu açıqlandı
• Azərbaycan və bu ölkələr onları Türkiyəyə göndərdi