Dekabrın 2-də Qahirədə inkişaf etməkdə olan səkkiz ölkənin İqtisadi Əməkdaşlıq Təşkilatına (D-8) üzv dövlətlərin ticarət üzrə məsul nazirlərinin 4-cü iclası keçiriləcək.

BUTA.TV xəbər verir ki, tədbirdə üzv dövlətlərin nümayəndə heyətləri iştirak edəcəklər. Hazırlıq məqsədilə artıq bir neçə görüş baş tutub.

Dekabrın 1-də üzv dövlətlərin ticarət üzrə yüksəkvəzifəli rəsmilərinin görüşü planlaşdırılır. Həmçinin 4-cü iclasın müvəqqəti gündəliyi nəzərdən keçiriləcək, D-8 Baş katibinin və nümayəndə heyətləri rəhbərlərinin bəyanatları dinləniləcək.

Dekabrın 2-də keçiriləcək nazirlər iclasında ticarət əməkdaşlığına dair Qahirə Bəyannaməsinin qəbul edilməsi gözlənilir.

Qeyd edək ki, D-8 qrupu 1997-ci ildə üzv ölkələrin iqtisadi əməkdaşlığına yardım məqsədilə yaradılıb. Hazırda qrupa üzv dövlətlər Malayziya, İndoneziya, Pakistan, İran, Banqladeş, Misir, Nigeriya, Türkiyə və Azərbaycandır. Misir ötən ildən D-8-ə sədrlik edir.

2024-cü il dekabrın 19-da Misirin paytaxtı Qahirə şəhərində təşkilatın XI Sammiti zamanı Azərbaycan Respublikası yekdilliklə D-8 təşkilatının üzvü seçilib.

• “Qafqazinfo”nun ad günüdür
• Dövlət Departamenti 907-ci düzəlişlə bağlı Konqresə bildiriş göndərdi
• “28 May” NMM-də avtobusların dayanacaq yerləri dəyişdirildi
• XİN İndoneziyaya başsağlığı verdi
• Əncir dərmək istədi, ağacdan yıxılıb öldü
• “Deputat dedi ki, o işlərə baxan çox həyasızdır” - Video
• Türkiyədə axtarışda olan şəxs Bakıda saxlanılıb ölkəsinə qaytarıldı
• Bakıda əməliyyat: saxlanılan var - Video