Azərbaycan və Ermənistan arasında sərhədin delimitasiya və demarkasiya istiqaməti dəyişməz olaraq qalır. Proses şimaldan - Ermənistan, Azərbaycan və Gürcüstan sərhədlərinin kəsişmə nöqtəsindən başlayaraq, cənub istiqamətinə doğru davam edəcək.

BUTA.TV Teleqraf-a istinadən xəbər verir ki, bu barədə keçən həftəsonu Qəbələdə iki ölkənin sərhəd komissiyalarının görüşünün detalları barədə danışan Ermənistan parlamentinin Xarici Əlaqələr Komitəsinin sədri Sərkis Xandanyan məlumat verib.

“Prinsip eyni olaraq qalır. Bu ilin yanvar ayında qərarlaşdırıldığı kimi, dəyişməz qalıb, amma əlbəttə, kommuniksiyaların (və ya nəqliyyat dəhlizlərinin) açılması ilə bağlı praktik zərurət yarana bilər. Əgər xatırlayırsınızsa, sentyabrda da Ermənistan və Azərbaycanın sərhəd komissiyalarının rəhbərləri qarşılıqlı olaraq görüşdülər və həmin sahələri araşdırdılar, yəni mümkün infrastrukturun keçəcəyi sahələrdə çox qısa hissələri delimitasiya etmək zərurəti yarana bilər ki, layihələndirmə və tikinti zamanı problemlər yaranmasın”, - o bildirib.

Artıq müəyyən edilmiş sahələrdə praktiki olaraq delimitasiya işlərinin nə vaxt başlayacağı ilə bağlı Xandanyan dəqiq tarix söyləməkdə çətinlik çəkib, amma əmin edib ki, artıq konkret işlər aparılır:

“Əhalinin sayı və sənədlər, xəritələrlə işləməkdən əlavə, sahədə tədqiqatlar aparmaq, dəqiqləşdirmələr etmək zərurəti olacaq və əlbəttə, hava şəraiti və digər amillər nəzərə alınaraq, mümkün qədər yaxın aylarda işlər davam edəcək. Dəqiq tarixi bu baxımdan deyə bilmərəm”.

Məlumata görə, sərhəd komissiyalarının növbəti görüşü Ermənistan ərazisində keçiriləcək, gün və yer hələ müəyyənləşməyib.

• “Qafqazinfo”nun ad günüdür
• Dövlət Departamenti 907-ci düzəlişlə bağlı Konqresə bildiriş göndərdi
• “28 May” NMM-də avtobusların dayanacaq yerləri dəyişdirildi
• XİN İndoneziyaya başsağlığı verdi
• Əncir dərmək istədi, ağacdan yıxılıb öldü
• “Deputat dedi ki, o işlərə baxan çox həyasızdır” - Video
• Türkiyədə axtarışda olan şəxs Bakıda saxlanılıb ölkəsinə qaytarıldı
• Bakıda əməliyyat: saxlanılan var - Video