2005-ci ildə yayımlanan məşhur “Qurdlar Vadisi” serialında Venesuela detalı gündəmə gəlib.

BUTA.TV Globalinfo.az-a istinadla xəbər verir ki, sözügedən kadrlar sosial şəbəkədə yenidən paylaşılıb.

Görüntülərdə əks olunan dialoqda Venesuela ilə ABŞ arasındakı münasibətlərdən bəhs edilib:

“ABŞ Milli Demokratiya Fonduna (NED) pərdə arxasında dəstək verir. Bu qurumun rəhbərliyində təmsil olunan şəxslərin böyük əksəriyyəti keçmiş CIA – Mərkəzi Kəşfiyyat İdarəsi əməkdaşlarıdır. ABŞ-da fond, institut və ya mərkəz adı altında fəaliyyət göstərən, hüquqi statusa malik bir çox qurum əslində CIA-nın maraqları naminə çalışır”.

Serialda bildirilir ki, NED dünən Nikaraquada və Kolumbiyada, bu gün isə Venesuelada müxtəlif əməliyyatlar həyata keçirir:

“Müasir dövrdə “demokratiya”, “azadlıq” və “insan haqları” anlayışları bir növ sehrli sözlərə çevrilib və bu anlayışların arxasında istənilən addımı atmaq mümkün olur. Ən təsirli təbliğat üsulu isə ümumiyyətlə təbliğat aparılmırmış kimi görünməkdir”.

Qeyd edək ki, yanvarın 3-də ABŞ Prezidenti Donald Tramp Amerikanın Venesuelaya qarşı “genişmiqyaslı hücum” həyata keçirdiyini və nəticədə ölkə lideri Prezident Nikolas Maduro ilə həyat yoldaşının “saxlanıldığını” açıqlayıb.

• Azərbaycan sayəsində 100 milyon dollar qənaət edəcəyik
• Çin Maduronun oğurlanmasından çox narahatdır
• Xəzərin dibi ilə optik kabelin çəkilişi nə vaxt bitir?
• ABŞ gücünü göstərdi: öz “kürəsini” təmizləyir
• Vətən müharibəsi veteranı Ukraynada döyüşdə öldü
• ABŞ bu tarixdə Qrenlandiyanı ələ keçirəcək - İddia
• Əgər bunu istəyiriksə, islahatlara getməliyik - Prezident
• Prezident Fuad Nəcəflini işdən niyə çıxardığını açıqladı