Azərbaycanın xarici işlər naziri Ceyhun Bayramov Çinə rəsmi səfəri çərçivəsində Çin Kommunist Partiyasının Muzeyini ziyarət edib.

BUTA.TV xəbər verir ki, bu barədə Xarici İşlər Nazirliyinin X hesabında paylaşım edilib.

Qeyd olunub ki, muzey Çinin müasir inkişafını formalaşdıran tarixi məqamlar və idarəetmə təcrübəsi haqqında dəyərli məlumat təqdim edir.

Nazir Qonaq Kitabında öz təşəkkür sözlərini yazaraq Azərbaycan-Çin hərtərəfli strateji tərəfdaşlıq çərçivəsində əməkdaşlığın daha da zənginləşdirilməsinin vacibliyini vurğulayıb.

C.Bayramov isə öz X hesabında yazıb ki, Çin Kommunist Partiyası Muzeyini ziyarət etmək şərəf idi, bu muzey Çin xalqının zəngin tarixini, baxışlarını və nailiyyətlərini canlı şəkildə əks etdirir:

"Bu ziyarət Çinin inkişaf yolu və milli dirçəliş haqqında dəyərli məlumatlar verdi. Gözəl tur üçün təşəkkür edirəm!"

• Deputatın oğlu MİT-ə qəbul olundu
• Mozalanın çəkildiyi metro stansiyası hansıdır? - Video
• “Amay”da öldürülən şəxs iş adamı imiş - Fotolar
• 55 yaşlı kişi faciəvi şəkildə öldü
• İmişlidə ağır qəza: ölən var
• Onlar üçün gün aydın olmadı... - Fotolar
• Bakıda və rayonlarda güclü külək əsəcək - Xəbərdarlıq
• “28 May”da sərnişinlərin hərəkəti necə tənzimlənir? - Video