Avtomobili narkotik və psixotrop maddələrin təsiri altında idarə edən şəxs həbs edilib.
BUTA.TV xəbər verir ki, bu barədə Daxili İşlər Nazirliyi məlumat yayıb.
Bildirilib ki, Cəlilabad rayonu ərazisində VAZ-2106 markalı avtomobilin sürücüsü yol hərəkəti qaydasını pozduğu üçün yol polisi əməkdaşları tərəfindən ona "saxla" işarəsi verilib. Yoxlama zamanı nəqliyyat vasitəsini sürücülük hüququ olmadan idarə edən Zamiq Səfərovun narkotik vasitədən istifadə etməsinə də şübhələr yarandığından onun tibbi müayinədən keçməsi təmin edilib.
Nəticədə həmin şəxsin psixotrop maddə metamfetamin və marixuana istifadə etdiyi müəyyənləşib.
Məhkəmənin qərarı ilə Z.Səfərov 15 gün müddətinə inzibati həbs olunub.
- Kamran Əliyevdən Sumqayıt Hərbi Prokurorluğuna yeni təyinat
- Bazar günü hava necə olacaq?
- Astarada torpaq sürüşməsi: ərazidəki çayın məcrası dəyişdirilir
- Şagirdi tərəfindən güllələnən müəllimin son durumu...
- Aparıcı icra başçısı ilə boşanma şayiələrinə son qoydu
- Sumqayıt bulvarında 28 yaşlı gəncin meyiti tapıldı
- Ayağı velosipedin pedalına sıxışan uşağa köməklik göstərildi - Video
- Füzulidə qanunsuz tikili söküldü - Video